തിരുവനന്തപുരം: സംസ്ഥാനത്ത് കനത്ത മഴയെ തുടര്ന്ന് കോഴിക്കോട് മെഡിക്കല് കോളേജിലെ വാർഡുകളില് വെള്ളം കയറി.
മാതൃശിശു സംരക്ഷണ കേന്ദ്രത്തിലെ താഴത്തെ നിലയിലെ വാർഡുകളിലാണ് വെള്ളം കയറിയത്.
ജില്ലയില് നാല് കണ്ട്രോള് റൂമുകള് തുറന്നു.
തൃശ്ശൂരിലും അതിശക്തമായ ഴയാണ് ലഭിച്ചത്. ജില്ലയുടെ വിവിധ ഭാഗങ്ങളില് വെള്ളക്കെട്ടുണ്ടായി. അശ്വിനി ആശുപത്രിയിലും പരിസരത്തെ വീടുകളിലും വെള്ളം കയറി.
Whatsapp Group 1 | Whatsapp Group 2 |Telegram Group
അശ്വിനി ആശുപത്രിയുടെ ഐസിയുവില് വരെയാണ് വെള്ളമെത്തിയത്. തൃശ്ശൂർ കിഴക്കെകോട്ടയില് ബിഷപ്പ് ഹൗസിന് സമീപം മതില് തകർന്നു. ഗുരുവായൂർ ക്ഷേത്രത്തിന്റെ തെക്കേ നടപ്പുരയില് വെള്ളം കയറി.
സംസ്ഥാനത്ത് ഇന്ന് അതിശക്തമായ മഴയ്ക്കുള്ള സാധ്യത തുടരുന്നു. എല്ലാ ജില്ലകളിലും മഴ മുന്നറിയിപ്പ് ഉണ്ട്.
എറണാകുളം മുതല് വയനാട് വരെയുള്ള ഏഴ് ജില്ലകളില് ഓറഞ്ച് അലർട്ടാണ്. മറ്റ് ജില്ലകളില് യെല്ലോ അലർട്ട് ഉണ്ട്. കേരളാ തീരത്ത് ഉയർന്ന തിരമാലകള്ക്കും കടലേറ്റത്തിനും സാധ്യതയുണ്ട്.
