വീട്ടുജോലിക്കെത്തിയ സ്ത്രീയുടെ പിഞ്ചുകുഞ്ഞിനെ ആക്രമിച്ച്‌ എല്ലൊടിച്ചു; ഗുണ്ടാ നേതാവിനെതിരെ പോക്സോ കേസ്

സ്വന്തം ലേഖിക

കോഴിക്കോട്: പിഞ്ചുകുഞ്ഞിനെ ആക്രമിച്ച്‌ എല്ലൊടിച്ച സംഭവത്തില്‍ ഗുണ്ടാ നേതാവിനെതിരെ പോക്സോ കേസ് ചുമത്തി.

പന്നിയങ്കര സ്വദേശി നൈനൂക്കിനെതിരെ(44) ടൗണ്‍ പൊലീസ് പോക്സോ വകുപ്പ് ചുമത്തി കേസെടുത്തത്.

വീട്ടില്‍ ജോലിക്കെത്തിയ യുവതിയുടെ പിഞ്ചുകുഞ്ഞിനെ ആക്രമിച്ച്‌ എല്ലൊടിക്കുകയായിരുന്നു. നിരവധി ക്രിമിനല്‍ കേസുകളില്‍ പ്രതിയാണ് നൈനൂക്ക്.

അസി. കമ്മിഷണര്‍ പി.ബിജുരാജിന്റെ നിര്‍ദേശത്തെത്തുടര്‍ന്നാണ് ഗുണ്ടാനേതാവിനെതിരെ നടപടി. ആഴ്ചകള്‍ക്കു മുൻപ് പാലക്കാടു നിന്നു ബീച്ചില്‍ പുലര്‍ച്ചെ കടല്‍ കാണാനെത്തിയ 7 കുട്ടികളെ പിടികൂടി ലൈംഗികമായി പീഡിപ്പിച്ച സംഭവത്തില്‍ പ്രതിയായ നൈനൂക്കിനെ ടൗണ്‍ പൊലീസ് നേരത്തേ അറസ്റ്റ് ചെയ്തിരുന്നു.