തമിഴകത്തിന്റെ മനം കീഴടക്കാനൊരുങ്ങി കോട്ടയത്തിന്റെ സ്വന്തം ഗിന്നസ് പക്രു

സ്വന്തം ലേഖകന്‍

കോട്ടയം: തമിഴകത്തിന്റെ മനം കീഴടക്കാനൊരുങ്ങി കോട്ടയത്തിന്റെ സ്വന്തം ഗിന്നസ് പക്രു. മിന്നും താരങ്ങള്‍ക്കൊപ്പമുള്ള 2 ചിത്രങ്ങളാണ് അണിയറയില്‍ ഒരുങ്ങുന്നത്.

ജീവയ്ക്കൊപ്പമുള്ള രണ്ടാമത്തെ സിനിമയും പ്രഭുദേവയ്ക്കൊപ്പമുള്ള ആദ്യ ചിത്രവുമാണ് ഇതെന്ന് ഗിന്നസ് പക്രു പറഞ്ഞു. ആദിക് രവിചന്ദ്രനാണ് ഭഗീരയുടെ സംവിധായകന്‍. മേധാവിയുടെ സംവിധായകന്‍ പി വിജയ് ആണ്.

ഭഗീരയും മേധാവിയുമാണ് തമിഴകം കീഴടക്കാന്‍ ഒരുങ്ങുന്നത്. വ്യത്യസ്തത ഗെറ്റപ്പുകളില്‍ പ്രഭുദേവ എത്തുന്ന ചിത്രമാണ് ഭഗീര. ചിത്രത്തില്‍ 2 ഗെറ്റപ്പുകളിലായാണ് ഗിന്നസ് പക്രു അഭിനയിച്ചിരിക്കുന്നത്.
യുവതാരം ജീവയും ആക്ഷന്‍ കിംഗ് അര്‍ജുനും ഒന്നിക്കുന്ന ചിത്രമാണ് മേധാവി.