കാലടിയിൽ ഒന്നരക്കിലോഗ്രാം കഞ്ചാവുമായി അതിഥിത്തൊഴിലാളി പോലീസ് പിടിയിൽ;കഞ്ചാവ് എത്തിച്ചത് ഒറീസയിൽ നിന്ന്

സ്വന്തം ലേഖകൻ

കാലടി: മഞ്ഞപ്രയിൽ കഞ്ചാവ് വിൽപ്പനയ്ക്ക് എത്തിയ അതിഥിത്തൊഴിലാളി അറസ്റ്റിൽ.
ഒറീസ കണ്ടമാൽ സ്വദേശി അനുഷ് മാജി (18) നെയാണ് കാലടി പോലീസ് പിടികൂടിയത്.

ബാഗിലും പോക്കറ്റിലുമായ് പൊതിഞ്ഞ് സൂക്ഷിച്ച നിലയിലാണ് കഞ്ചാവ് കണ്ടെത്തിയത്.

ഒറീസയിൽ നിന്നുമാണ് കഞ്ചാവ് കൊണ്ടു വന്നിട്ടുള്ളത്.അതിഥിത്തൊഴിലാളികൾക്കിടയിലാണ് വിൽപന.

ജില്ലാ പോലീസ് മേധാവി വിവേക് കുമാറിന് ലഭിച്ച രഹസ്യവിവരത്തെ തുടർന്ന് നടത്തിയ പരിശോധനയിലാണ് ഇയാള്‍ പിടിയിലായത്.