കേരളത്തിന് അഭിമാന നിമിഷം . ഗഗൻയാൻ ദൗത്യസംഘത്തലവനായി മലയാളി: പാലക്കാട് നെന്മാറ സ്വദേശി പ്രശാന്ത് ബാലക്യഷ്ണൻ നായർ ദൗത്യസംഘത്തെ നയിക്കും:

സ്വന്തം ലേഖകൻ
തിരുവനന്തപുരം:
കേരളത്തിന് അഭിമാന നിമിഷം . ഗഗൻയാൻ ദൗത്യസംഘത്തലവനായി മലയാളി. പാലക്കാട് നെന്മാറ സ്വദേശി പ്രശാന്ത് ബാലക്യഷ്ണൻ നായർ ഗഗൻ യാൻ ദൗത്യസംഘത്തെ നയിക്കും.
അംഗദ്പ്രതാപ്, അജിത് കൃഷ്ണൻ , ശുഭാംശുശുക്ലഎന്നിവരാണ് ഗഗൻ യാൻ സംഘത്തിലെ മറ്റുള്ളവർ.

​ഗ​ഗൻയാൻ പദ്ധതിക്കായി തെരഞ്ഞെടുക്കപ്പെട്ട ബഹിരാകാശ യാത്രികരുടെ പേര് വിവരങ്ങൾ പ്രധാനമന്ത്രി നരേന്ദ്ര മോദിയാണ് തിരുവനന്തപുരംവിക്രം സാരാഭായി സ്പേസ് സെന്‍ററിൽ ഇന്നു നടന്ന ചടങ്ങിൽ പ്രഖ്യാപിച്ചത്.

വിവിധ പദ്ധതികളുടെ ഉദ്ഘാടനത്തിന് ശേഷം വിഎസ്എസ്‍സിയിൽ വച്ച് മോദി ​ഗ​ഗൻയാൻ പദ്ധതിയുടെ പുരോ​ഗതി വിലയിരുത്തി. ബഹിരാകാശ സഞ്ചാരികളായി തെരഞ്ഞെടുക്കപ്പെട്ട നാല് പേ‌ർക്കും ആസ്ട്രനോട്ട് ബാഡ്ജുകളും സമ്മാനിച്ചു. നാല് പേരും ഇന്ത്യൻ വ്യോമസേനയിലെ പൈലറ്റുമാരാണ്.