സ്വന്തം ലേഖകൻ
ബെംഗളൂരു: മുന് മുഖ്യമന്ത്രി ഉമ്മന് ചാണ്ടി(80) അന്തരിച്ചു. ബെംഗളൂരു ചിന്മയ മിഷന് ആശുപത്രിയിലായിരുന്നു അന്ത്യം.
ക്യാന്സര് ബാധിതനായി ചികിത്സയിലായിരുന്നു. ചൊവ്വാഴ്ച പുലർച്ചെ 4.25-നായിരുന്നു മരണം. 2004-06, 2011-16 കാലങ്ങളില് കേരളത്തിന്റെ മുഖ്യമന്ത്രിയായി.
Whatsapp Group 1 | Whatsapp Group 2 |Telegram Group
പുലര്ച്ചെ നാലരയോടെയാണ് മരണം സ്ഥിരീകരിച്ചത്. ബെംഗളൂരുവിലെ ചിന്മയ ആശുപത്രിയിലാണ് ചികിത്സിച്ചിരുന്നത്. തൊണ്ടയിലാണ് ക്യാൻസര് ബാധിച്ചിരുന്നത്. സംസ്ഥാന സര്ക്കാറിന്റെ നിര്ദേശ പ്രകാരം വിദഗ്ധ ഡോക്ടര്മാരുടെ സംഘമായിരുന്നു ചികിത്സിച്ചത്.
അൻപത് വർഷത്തിലേറെക്കാലം പുതുപ്പള്ളിയിലെ എംഎല്എയായിരുന്നു. രാഹുല് ഗാന്ധി, സോണിയാഗാന്ധി തുടങ്ങിയ ഉന്നത കോണ്ഗ്രസ് നേതാക്കള് സംസ്കാരത്തിന് എത്തും. പ്രതിപക്ഷ യോഗം നടക്കുന്നതിനാല് രാജ്യത്തെ പ്രധാന കോണ്ഗ്രസ് നേതാക്കള് ബെംഗളൂരുവിലുണ്ട്. 2004ലാണ് ഉമ്മൻ ചാണ്ടി ആദ്യം മുഖ്യമന്ത്രിയാകുന്നത്.
പാര്ലമെന്റ് തെരഞ്ഞെടുപ്പിലെ കനത്ത തോല്വിയെ തുടര്ന്ന് എകെ ആന്റണി രാജിവെച്ചതിനെ തുടര്ന്നാണ് ഉമ്മൻചാണ്ടി 2004-2006 കാലഘട്ടത്തില് മുഖ്യമന്ത്രിയാകുന്നത്. തുടര്ന്ന് അഞ്ച് വര്ഷം പ്രതിപക്ഷ നേതാവായും പ്രവര്ത്തിച്ചു.
പിന്നീട് 2011ല് വീണ്ടും മുഖ്യമന്ത്രിയായി തിരിച്ചെത്തി. രണ്ട് സീറ്റിന്റെ ഭൂരിപക്ഷത്തില് അധികാരത്തിലേറിയ സര്ക്കാറിനെ ഉമ്മൻ ചാണ്ടിയുടെ നയതന്ത്ര വൈദഗ്ധ്യമായിരുന്നു അഞ്ച് വര്ഷം പൂര്ത്തിയാക്കാൻ സഹായിച്ചത്. ഭരണത്തിന്റെ അവസാന നാളുകളില് സോളാര് വിവാദം സംസ്ഥാനത്തെ പിടിച്ചുലച്ചു. ജനങ്ങള്ക്കിടയില് പ്രവര്ത്തിച്ച നേതാവായിരുന്നു ഉമ്മൻചാണ്ടി.
മകന് ചാണ്ടി ഉമ്മനാണ് വാര്ത്ത ഫെയ്സ്ബുക്കിലൂടെ അറിയിച്ചത്.
https://www.facebook.com/chandyoommen/posts/pfbid09KTbAGKFn8zcWt2XsdQektazpAsQQXrEkkdJATWZRrovsxc5ze8JxaQPg4utBpbml?ref=embed_post
