കോഴിക്കോട്: അത്തോളി കണ്ണിപൊയിലില് എസ് ആർ ഓയില് മില്ലില് വൻ തീപിടിത്തം. ഇന്ന് രാവിലെ 11.30നാണ് തീപിടിത്തം ഉണ്ടായത്. കൊയിലാണ്ടിയില് നിന്ന് രണ്ടും നരിക്കുനി, വെള്ളിമാടുകുന്ന്, പേരാമ്പ്ര എന്നീ നിലയങ്ങളില് നിന്നും ഓരോ യൂണിറ്റും അഗ്നിശമന സേന എത്തിയാണ് തീയണച്ചത്.
നാലുമണിക്കൂർ നേരത്തെ പരിശ്രമത്തിനൊടുവിലാണ് തീ നിയന്ത്രണവിധേയമാക്കിയത്. മലാപ്പറമ്പ് സ്വദേശി ഷെെജുവിന്റേതാണ് ഓയില് മില്ല്. ഇരുമ്പ് ഷീറ്റ് കൊണ്ട് പൂർണമായി നിർമിച്ച മില്ലിനുള്ളില് വെളിച്ചെണ്ണയ്ക്ക് വേണ്ട കൊപ്രയും തേങ്ങയും 2000 ലിറ്ററോളം വെളിച്ചെണ്ണയും ഉണ്ടായിരുന്നു. ഇവ എല്ലാം നശിച്ചു.
