അച്ഛനെ കോടാലിക്ക് വെട്ടിക്കൊന്ന സംഭവം: മകൻ അറസ്റ്റിൽ; കോടാലിയും പിടിച്ചെടുത്തു

ക്രൈം ഡെസ്ക്

ചിങ്ങവനം: ചാന്നാനിക്കാട് അച്ഛനെ വെട്ടിക്കൊന്ന സംഭവത്തിൽ മകൻ അറസ്റ്റിൽ. ചിങ്ങവനം ചാന്നാനിക്കാട് ദുർഗക്ഷേത്രത്തിനുസമീപം ഇടയാടിക്കരോട്ട് ശിവരാമനാചാരിയെയാണ് (81) വ്യാഴാഴ്ച രാത്രി ഒൻപത് മണിയോടെ മകൻ വെട്ടിക്കൊലപ്പെടുത്തിയത്. ​

സംഭവവുമായി ബന്ധപ്പെട്ട് പാക്കിൽ ചിറക്കരോട്ട് വീട്ടിൽ വാടകയ്ക്ക് താമസിക്കുന്ന മകൻ രാജേഷിനെ (ദാസ്​-51) ചിങ്ങവനം എസ്‌ഐ അനൂപ് സി നായർ അറസ്റ്റ് ചെയ്തു.

കൊലപാതകം നടന്ന വീടിന്റെ പിന്നിൽ
നിന്നും കോടാലി പിടിച്ചെടുത്തു. ഇരിക്കുകയായിരുന്ന ശിവരാമനെ പിന്നിലൂടെ എത്തിയ മകന്‍ രാജേഷ് കോടാലി ഉപയോഗിച്ച്​ വെട്ടുകയായിരുന്നുവെന്ന്​ പൊലീസ്​ പറഞ്ഞു.

തലയുടെ പിന്‍ഭാഗം പിളര്‍ന്ന്​ വീട്ടിലേക്ക്​ ഒാടികയറാൻ ശ്രമിച്ചെങ്കിലും രക്തംവാർന്ന്​ സംഭവസ്ഥലത്ത്​ ശിവരാമന്‍ മരിച്ചു. ശബ്​ദം കേട്ട് അയൽവാസികൾ ഓടിയെത്തിയപ്പോഴേക്കും മകൻ സംഭവസ്ഥലത്തുനിന്നും രക്ഷപെട്ടിരുന്നു.

ഇതേത്തുടർന്ന്​ നടത്തിയ പരിശോധയിൽ സമീപത്തെ വീട്ടിൽനിന്നും ദാസിനെ പൊലീസ്​ പിടികൂടുകയായിരുന്നു. രാജേഷും ഭാര്യയും മക്കളും അടങ്ങുന്ന കുടുംബം പാക്കിൽ ചിറക്കരോട്ട്​ വാടകവീട്ടിലാണ്​ താമസിക്കുന്നത്​. ശിവരാമനും  ഭാര്യ സാവിത്രിയും മകൾ ബിന്ദുവുമാണ്​ ചാന്നാനിക്കാട്​ വീട്ടിൽ താമസിക്കുന്നത്​. പ്രതിയുമായി വെള്ളിയാഴ്​ച പൊലീസ്​ നടത്തിയ തെളിവെടുപ്പിൽ വീട്ടി​െൻറ പിന്നിൽ ഉപേക്ഷിച്ച ​േകാടാലിയും ക​െണ്ടത്തി. ചിങ്ങവനം പൊലീസി​െൻറ നേതൃത്വത്തിൽ മൃതദേഹം ഇൻക്വിസ്​റ്റ്​ നടപടി പൂർത്തിയാക്കി മെഡിക്കൽകോളജ്​ ആശുപത്രിയിൽ എത്തിച്ചു. തുടർന്ന്​ പോസ്​റ്റുമോർട്ടത്തിനുശേഷം ബന്ധുക്കൾക്ക്​ വിട്ടുനൽകി വൈകീട്ട്​ നാലിന്​ വീട്ടുവളപ്പിൽ സംസ്​കരിച്ചു. ശിവരാമ​െൻറ മറ്റൊരു മകൾ അമ്പിളി. മരുമക്കൾ: സുരേന്ദ്രൻ (നീണ്ടൂർ), സിന്ധു.