കൊച്ചി: അങ്കമാലിയിലെ ടെക്സ്റ്റൈല്സ് ഉദ്ഘാടനത്തെക്കുറിച്ചുള്ള പരിഹാസങ്ങള്ക്ക് മറുപടിയുമായി എല്ദോസ് കുന്നപ്പള്ളി . കുമ്മനടിച്ചത് ഞാനല്ല എന്ന ഹാഷ്ടാഗോട് കൂടി ഫേസ്ബുക്ക് കുറിപ്പുമായി എം എല് എ .
എല്ദോസ് കുന്നപ്പള്ളിയുടെ കുറിപ്പ് പൂര്ണരൂപത്തില്
കുമ്മനടിച്ചത്_ഞാനല്ല.
ബഹു. നടന് മമ്മൂട്ടി ആണ്. ഇന്ന് രാവിലെ (11.08.2022) അങ്കമാലി ഓപ്ഷന്സ് ടെക്സ്റ്റൈല്സ് ഉദ്ഘാടനത്തിന് എന്നെ ക്ഷണിച്ചിരുന്നു. കെട്ടിടത്തിന്റെ ഉദ്ഘാടനകന് ബഹു. മമ്മുട്ടി ആയിരുന്നു. ഉദ്ഘാടന ശേഷം മുകളിലെ ചെറിയ ഷോ റൂം ഉദ്ഘാടനം ചെയ്യുകയെന്നുള്ള ഉത്തരവാദിത്തം എനിക്കായിരുന്നു. ഞാന് ഉദ്ഘാടനത്തിനു തയ്യാറായി നിന്നപ്പോള് അവിടേക്ക് ബഹു. മമ്മുട്ടി കടന്ന് വരികയും ചെയ്തു. ഈ സമയം ഇതിന്റെ ഉദ്ഘാടകന് എം എല് എ ആണെന്ന് കടയുടമ പറയുകയും ചെയ്തു.
Whatsapp Group 1 | Whatsapp Group 2 |Telegram Group
എന്നാല് ബഹു. മമ്മുട്ടി ഇക്കാര്യം മനസിലാക്കാതെ കത്രിക കയ്യിലെടുത്തു. എം എല് എയാണ് ഉദ്ഘാടകനെന്നു ഉടമ അറിയിച്ചപ്പോള് അദ്ദേഹം കത്രിക എനിക്കായി നീട്ടി. എന്നാല് ഞാന് അദ്ദേഹത്തോട് ഉദ്ഘാടനം നിര്വഹിച്ചോളൂ എന്ന് പറയുകയും ഞാന് കൈ ഒന്ന് തൊട്ട് കൊള്ളാമെന്ന് പറയുകയും ചെയ്തു. നാട മുറിച്ച ശേഷം അദ്ദേഹത്തോടുള്ള ബഹുമാനാര്ത്ഥം കത്രിക ഞാന് വാങ്ങി നല്കുകയാണ് ചെയ്തത്.
ഇതാണ് ഇതിലെ യഥാര്ത്ഥ വസ്തുത. തെറ്റിദ്ധരിപ്പിക്കപ്പെടുന്ന വാര്ത്തകള് നല്കുന്നത് ശെരിയായ നടപടിയല്ല. ഇതുമായി ബന്ധപ്പെട്ട് എന്തെങ്കിലും സംശയം ഉള്ളവര് ടെക്സ്റ്റൈല്സ് ഉടമയെയോ ബന്ധപ്പെട്ടവരോടോ ചോദിക്കാവുന്നതാണ്. മാത്രമല്ല ആ ഫ്ലോറിന്റെ ഉദ്ഘാടകന് ഞാനാണെന്ന് അറിയാതെയാണ് ബഹു. മമ്മുട്ടി കത്രിക എടുത്തത്. കത്രിക തിരിക വാങ്ങിക്കുന്നത് അദ്ദേഹത്തെ പരിഹസിക്കുന്നതിനു തുല്യമാകുമെന്ന് കരുതിയാണ് ഞാന് അതിനു മുതിരാതിരുന്നത്. ഇക്കാര്യങ്ങള് ഒന്ന് മനസിലാക്കിയാല് കൊള്ളാമെന്നാണ് ഈ ലേഖകനോട് എനിക്ക് സൂചിപ്പിക്കാനുള്ളത്.
