വരും ദിവസങ്ങളിൽ നിങ്ങൾ ഒരു പുതിയ ഇലക്ട്രിക് കാർ വാങ്ങാൻ പദ്ധതിയിടുകയാണെങ്കിൽ നിങ്ങൾക്ക് ഒരു സന്തോഷവാർത്തയുണ്ട്. ടാറ്റ മോട്ടോഴ്‌സ് 2025 മെയ് മാസത്തിൽ അതിന്റെ അതിശയകരമായ ഇലക്ട്രിക് എസ്‌യുവി പഞ്ച് ഇവിയിൽ ബമ്പർ കിഴിവുകൾ വാഗ്ദാനം ചെയ്യുന്നു. ഈ കാലയളവിൽ ടാറ്റ പഞ്ച് ഇവി വാങ്ങുന്നതിലൂടെ ഉപഭോക്താക്കൾക്ക് 1.40 ലക്ഷം രൂപ വരെ ലാഭിക്കാൻ കഴിയും എന്നാണ് റിപ്പോ‍ട്ടുകൾ. ഈ കിഴിവിന്റെ വിശദാംശങ്ങൾ ഇവിടെ അറിയാം
ഈ സമയത്ത് MY2024 ടാറ്റ പഞ്ച് ഇവിക്ക് പരമാവധി 1.40 ലക്ഷം രൂപ കിഴിവ് നൽകുന്നുണ്ടെന്നാണ് റിപ്പോ‍ട്ടുകൾ.
അതേസമയം, 2025 പതിപ്പിൽ ഉപഭോക്താക്കൾക്ക് 50,000 രൂപ വരെ ലാഭിക്കാം. കിഴിവ് സംബന്ധിച്ച കൂടുതൽ വിവരങ്ങൾക്ക് ഉപഭോക്താക്കൾക്ക് അടുത്തുള്ള ഡീലർഷിപ്പുമായി ബന്ധപ്പെടാം. ടാറ്റ പഞ്ച് ഇവിക്ക് രണ്ട് ബാറ്ററി പായ്ക്കുകൾ ഉണ്ട്.
Whatsapp Group 1 | Whatsapp Group 2 |Telegram Group
ആദ്യത്തേതിൽ 25 kWh ബാറ്ററിയാണ് സജ്ജീകരിച്ചിരിക്കുന്നത്. ഇത് പരമാവധി 82 bhp പവറും 114 Nm പീക്ക് ടോർക്കും ഉത്പാദിപ്പിക്കാൻ പ്രാപ്തമാണ്.
രണ്ടാമത്തേതിൽ 35 kWh ബാറ്ററിയാണ് സജ്ജീകരിച്ചിരിക്കുന്നത്. ഇത് പരമാവധി 122 bhp പവറും 190 Nm പീക്ക് ടോർക്കും ഉത്പാദിപ്പിക്കാൻ കഴിയും. ചെറിയ ബാറ്ററി ഘടിപ്പിച്ച മോഡൽ ഒറ്റ ചാർജിൽ 315 കിലോമീറ്റർ സഞ്ചരിക്കും, വലിയ ബാറ്ററി പായ്ക്ക് ഘടിപ്പിച്ച മോഡൽ 421 കിലോമീറ്റർ സഞ്ചരിക്കും.
സവിശേഷതകളെക്കുറിച്ച് പറയുകയാണെങ്കിൽ, പഞ്ച് ഇവിയിൽ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, എയർ പ്യൂരിഫയർ, സൺറൂഫ് എന്നിവയും ഉണ്ട്. ഇതിനുപുറമെ, സുരക്ഷയ്ക്കായി 6-എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, 360-ഡിഗ്രി ക്യാമറ തുടങ്ങിയ സവിശേഷതകളും കാറിലുണ്ട്. 9.99 ലക്ഷം രൂപ മുതൽ 14.44 ലക്ഷം രൂപ വരെയാണ് ടാറ്റ പഞ്ച് ഇവിയുടെ എക്‌സ്‌ഷോറൂം വില.
