ഡി.വൈ.എസ്.പി കെ. ശ്രീകുമാറിന്റെ മൃതദേഹം ഔദ്യോഗിക ബഹുമതികളോടെ സംസ്‌കരിച്ചു
സ്വന്തം ലേഖകൻ
ആലപ്പുഴ: അന്തരിച്ച കൊല്ലം സ്പെഷല്‍ ഡിവൈ.എസ്.പി. കെ. ശ്രീകുമാറി(55)ന്റെ മൃതദേഹം ഔദ്യോഗിക ബഹുമതികളോടെ സംസ്‌കരിച്ചു.തിരുവല്ല, പുന്നപ്ര, സ്റ്റേഷനുകളില്‍ എസ്.ഐയായും , എസ് ഐ , സി ഐ , ഡിവൈ.എസ്.പി എന്നീ നീലകളില്‍ ദീര്‍ഘനാള്‍ ചങ്ങനാശ്ശേരിയിലും സേവനമനുഷ്ഠിച്ചിട്ടുണ്ട്.
തിരുവനന്തപുരം ഹെഡ്ക്വാര്‍ട്ടേഴ്സിലും പിന്നീട് കൊല്ലത്തും ജോലി ചെയ്ത് വരികയായിരുന്നു. ഇതിനിടയിൽ കഴിഞ്ഞ രണ്ടു മാസമായി രോഗബാധിതനായി ചികിത്സയില്‍ കഴിയുന്നതിനിടെയാണ് മരണം.
Whatsapp Group 1 | Whatsapp Group 2 |Telegram Group
ചെങ്ങന്നൂര്‍ ബുധനൂര്‍ ഇലഞ്ഞിമേല്‍ കണ്ണമ്പള്ളില്‍ വീട്ടില്‍ റിട്ട. അധ്യാപകന്‍ പരേതനായ കെ.പി. കൃഷ്ണന്‍ നായരുടെയും റിട്ട. അധ്യാപിക കെ. വരദമ്മയുടെയും മകനാണ്.
ഭാര്യ: കായംകുളം പുല്ലുകുളങ്ങര സ്വദേശി ഗീത. മകള്‍: ഗായത്രി (എം.എ വിദ്യാര്‍ഥി). സഹോദരങ്ങള്‍: ശാസ്താംകോട്ട തിരുവിതാംകൂര്‍ ദേവസ്വം ബോര്‍ഡ് കോളജ് റിട്ട. പ്രഫ. ഡോ. കെ. പ്രകാശ് (നാഷനല്‍ സര്‍വീസ് സ്കീം കേരള സര്‍വകലാശാല മുന്‍ ലെയ്സണ്‍ ഓഫിസര്‍), കാര്‍ത്തിക, പരേതയായ കെ. ശൈലജ (മുന്‍ ഗ്രാമപഞ്ചായത്ത് പ്രസിഡന്‍റ്, ചേപ്പാട്).
