മദ്യപിച്ച്‌ ഭീകരാന്തരീക്ഷം സൃഷ്ടിച്ചു;  കൊലക്കേസ് പ്രതി പോലീസുകാരനെ വെട്ടി; വെട്ടേറ്റത് പ്രതിയെ കീഴ്പെടുത്താൻ ശ്രമിക്കുന്നതിനിടയിൽ

സ്വന്തം ലേഖിക  

തൃശൂര്‍: ചൊവ്വൂരില്‍ കൊലക്കേസ് പ്രതി പോലീസുകാരനെ വെട്ടി. ചേര്‍പ്പ് പൊലീസ് സ്റ്റേഷനിലെ സിവില്‍ പൊലീസ് ഓഫീസര്‍ സുനില്‍ കുമാറിനാണ് വെട്ടേറ്റത്.

ജിനു ആണ് സുനില്‍ കുമാറിനെ ആക്രമിച്ചത്. ഇയാള്‍ കൊലക്കേസില്‍ പ്രതിയാണ്. മദ്യപിച്ച്‌ ഭീകരാന്തരീക്ഷം സൃഷ്ടിച്ച ജിനുവിനെ തടയാൻ ശ്രമിക്കുന്നതിനു ഇടയില്‍ ആയിരുന്നു ആക്രമണം. പിന്നാലെ ജിനുവിനെ പോലീസ് കീഴ്‌പ്പെടുത്തി.