വിമാന മാർഗം എംഡിഎംഎ കടത്തി; തൃശൂരിൽ രണ്ട് യുവാക്കൾ പിടിയിൽ

തൃശ്ശൂർ: ലഹരി കടത്തിയ സംഭവത്തിൽ രണ്ട് യുവാക്കൾ തൃശൂരിൽ അ‌റസ്റ്റിൽ. വിമാനത്തിൽ കേരളത്തിലേക്ക് ലഹരി കടത്തിയ സംഭവത്തിലാണ് അ‌റസ്റ്റ്.

കേച്ചേരി സ്വദേശികളായ ദയാൽ (27) , അഖിൽ (22) എന്നിവരെയാണ് ഈസ്റ്റ് പൊലീസ് അറസ്റ്റ് ചെയ്തത്. അരക്കിലോ എംഡിഎംഎ ഇവരിൽ നിന്ന് കണ്ടെടുത്തു.

കൊറിയർ വഴിയും ലഹരിക്കടത്തിയെന്ന് പ്രതികൾ വെളിപ്പെടുത്തിയതായി പൊലീസ് അറിയിച്ചു.ദില്ലിയിൽ നിന്ന് ലഹരി കടത്തിയ വിദേശ പൗരനായി തെരച്ചിൽ തുടങ്ങിയതായി പൊലീസ് അറിയിച്ചു.