മൂവാറ്റുപുഴ രണ്ടാർക്കരയിൽ വയോധികയും കൊച്ചുമകളും മുങ്ങി മരിച്ചു

എറണാകുളം : മൂവാറ്റുപുഴ രണ്ടാർക്കരയിൽ വയോധികയും കൊച്ചുമകളും മുങ്ങിമരിച്ചു. മൂവാറ്റുപുഴ സ്വദേശിനി ആമിന,ഇവരുടെ കൊച്ചുമകൾ ഫർഷ എന്നിവരാണ് മരിച്ചത്.

കൊച്ചു മക്കൾക്കൊപ്പം പുഴയിൽ കുളിക്കുന്നതിനിടെയാണ് അപകടം. ആമിനയും ഫർഷയും സഹോദരി ഫനയുമാണ് അപകടത്തിൽപ്പെട്ടത്. രണ്ടാർക്കരയിൽ കുളിച്ചു കൊണ്ടിരിക്കെ ഒഴുക്കിൽപ്പെടുകയായിരുന്നു.

അപകടം നടന്ന ഉടൻ തന്നെ മൂവരേയും ആശുപത്രിയിൽ എത്തിച്ചെങ്കിലും ആമിനയെയും ഫർഷയെയും രക്ഷിക്കാൻ സാധിച്ചില്ല, ഫന ചികിത്സയിൽ കഴിയുകയാണ്.