പ്രായഭേദമന്യേ പ്രേമേഹം എന്നത് ഇപ്പോൾ എല്ലാവരിലും കാണപ്പെടുന്ന ഒന്നായി മാറിയിരിക്കുന്നു. പക്ഷേ സ്ത്രീകളിലാണ് ഇത് കൂടുതലായി കാണപ്പെടുന്നത്. വർഷവും ദശലക്ഷക്കണക്കിന് സ്ത്രീകളാണ് പ്രമേഹരോഗികളാകുന്നത്. അതില്‍ ചിലർ പ്രീഡയബറ്റിക് അവസ്ഥയില്‍ ആയിരിക്കും. എന്നാല്‍, ഇത് തിരിച്ചറിയപ്പെടാതെ പോകുന്നു. ശരീരഭാരത്തെയും ഊർജനിലയെയും മാത്രമല്ല, ഹൃദയാരോഗ്യം, വൃക്കകളുടെ പ്രവർത്തനം, കാഴ്ചശക്തി എന്നിവയെയും പ്രമേഹം ബാധിക്കും. ഇത് വന്ധ്യതയ്ക്ക് പോലും കാരണമാകുന്നു.സ്ത്രീകളില്‍ ഗ്ലൂക്കോസും ഇൻസുലിനും ശരീരം പ്രോസസ് ചെയ്യുന്നത് പുരുഷൻമാരുടേതില്‍ നിന്നും വ്യത്യസ്തമായാണ്. ആർത്തവം, ഗർഭം, ആർത്തവവിരാമം തുടങ്ങിയ സമയങ്ങളിലുണ്ടാകുന്ന ഹോർമോണ്‍ മാറ്റം രക്തത്തിലെ പഞ്ചസാരയെ നിയന്ത്രിക്കുന്നതിനെ ബാധിക്കുന്നു. സ്ത്രീകളില്‍ മറ്റ് ആരോഗ്യപ്രശ്നങ്ങള്‍ ആയി പ്രമേഹം പലപ്പോഴും തെറ്റിദ്ധരിക്കപ്പെടാറുമുണ്ട്. ഇത് രോഗനിർണയത്തിനും ചികിത്സ ആരംഭിക്കുന്നതിനും തടസം ആകുന്നു. പ്രമേഹത്തിന്റെ ദൂഷ്യഫലങ്ങള്‍ പുരുഷന്മാരെക്കാളധികം ബാധിക്കുന്നത് സ്ത്രീകളെയാണ്. പ്രമേഹ രോഗികളായ സ്ത്രീകളില്‍ ഹൃദ്രോഗം ഉണ്ടാകാനുള്ള സാധ്യത കൂടുതലാണ്. അതുകൊണ്ട് തന്നെ ലക്ഷണങ്ങള്‍ തിരിച്ചറിയേണ്ടത് വളരെ പ്രധാനമാണ്. എന്തൊക്കെയാണ് ലക്ഷണങ്ങള്‍ എന്ന് നോക്കാം:
8 മണിക്കൂർ ഉറങ്ങിയതിനു ശേഷവും ക്ഷീണം അനുഭവപ്പെടാറുണ്ടോ? ഇത് പ്രമേഹം ഉണ്ടെന്നതിന്റെ സൂചനയാണ്. രക്തത്തിലെ പഞ്ചസാരയുടെ ഉയർന്ന അളവ്, ഗ്ലൂക്കോസ് ആഗിരണം ചെയ്യുന്നതില്‍ നിന്നും കോശങ്ങളെ തടയുന്നു. ഇതുമൂലം ശരീരത്തില്‍ ഊർജം നഷ്ടപ്പെടുന്ന അവസ്ഥ വരുന്നു. ഇതിന്റെ ഫലമായിട്ട് മധുരമുള്ള ലഘുഭക്ഷണങ്ങള്‍ കഴിക്കാനുള്ള തോന്നലുണ്ടാകും. എന്നാല്‍, അത് നല്ലതല്ല. ഇത് കൂടുതലായി ദോഷം ചെയ്യും. ക്ഷീണം മാറുന്നില്ലെങ്കില്‍ ആരോഗ്യവിദഗ്ധന്റെ സഹായം തേടി വേണ്ട പരിശോധനകള്‍ നടത്തുന്നതാണ് ഉത്തമം.
രക്തത്തിലെ പഞ്ചസാരയുടെ അളവ് കൂടുതലാണെങ്കില്‍ തുടർച്ചയായി യോനിയില്‍ യീസ്റ്റ് ഇൻഫക്‌ഷനും മൂത്രനാളിയിലെ അണുബാധയും ഉണ്ടാകുന്നതാണ് അടുത്ത ലക്ഷണം.
Whatsapp Group 1 | Whatsapp Group 2 |Telegram Group
കാഴ്ച്ച മങ്ങുന്നതും പ്രധാന ലക്ഷണങ്ങളില്‍ ഉള്‍പ്പെടുന്നു. ഗ്ലൂക്കോസിന്റെ ഉയർന്ന അളവ് കണ്ണിലെ ലെൻസിന് വീക്കം ഉണ്ടാക്കുകയും ഫോക്കസ് ചെയ്യാൻ പ്രയാസം ആകുകയും ചെയ്യും. ക്രമേണ കാഴ്ചക്കുറവ് മാറാത്ത അവസ്ഥ വരെ വരാം.
മൂഡ് സ്വിങ്‌സാണ് അടുത്തതായി വരുന്നത്. പ്രമേഹം കേവലം ശാരീരികമായ അവസ്ഥമാത്രമല്ല, രക്തത്തിലെ പഞ്ചസാരയുടെ അളവ് കൂടുന്നതും കുറയുന്നതും മനോനില, ഏകാഗ്രത, ഓർമശക്തി എന്നിവയെയും ബാധിക്കും. തുടർച്ചയായി ഉണ്ടാകുന്ന മറവി, ഉത്കണ്ഠ, അസ്വസ്ഥത ഇതെല്ലാം പ്രമേഹ ലക്ഷണമാകാം.
ഇത്രയും ലക്ഷണങ്ങള്‍ നിരീക്ഷിച്ച്‌ ശരിയായ ചികിത്സ നടത്തുകയാണെങ്കില്‍ സ്ത്രീകളിലെ പ്രമേഹം ഒരു പരിധി വരെ നമുക്ക് നിയന്ത്രിക്കാൻ സാധിക്കും.
