വൈറലായി തലയ്ക്കുമീതെയെത്തിയ ഡ്രോണില്‍ ചാടി പിടിക്കാൻ ശ്രമിക്കുന്ന മുതല
ജലജീവികളിലെ വലിയ അക്രമകാരികളില്‍ മുൻപന്തിയിലാണ് മുതലകള്‍. ഇരയെ തക്കം പാർത്തിരുന്ന് വേട്ടയാടി പിടിക്കാൻ ഇവയ്ക്ക് പ്രത്യേക കഴിവാണ്.അതിപ്പോള്‍ മുന്നില്‍ എത്തുന്നത് എന്തുതന്നെയായാലും മുതലകള്‍ക്ക് വിഷയമല്ല. അവയെ എങ്ങനെയും അകത്താക്കാനാണ് ഇവ ശ്രമിക്കാറ്. എത്ര ഉയരത്തില്‍ പറക്കുന്ന ഇരയെയും ചാടി പിടിക്കുന്ന ഇവയുടെ ദൃശ്യങ്ങള്‍ നാം കണ്ടിട്ടുണ്ട്. എന്നാല്‍ ഇതില്‍ നിന്നെല്ലാം ഏറെ രസകരമായ ഒരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ കൗതുകമുണർത്തുന്നത്. വെള്ളത്തിനു മുകളിലൂടെ പറക്കുന്ന ഒരു ഡ്രോണിനെ ചാടി പിടിക്കാൻ ശ്രമിക്കുന്ന മുതലയുടെ വീഡിയോയാണ് ഇത്
@reach_അനുപമ എന്ന എക്സ് ഉപഭോക്താവാണ് വീഡിയോ പങ്കിട്ടിരിക്കുന്നത്. വീഡിയോയുടെ തുടക്കത്തില്‍ ഒരു ഡ്രോണ്‍ വെള്ളത്തിന് മുകളിലൂടെ പറക്കുന്നതാണ് കാണുന്നത്. ഈ ഡ്രോണ്‍ താഴെ വെള്ളത്തില്‍ കിടക്കുന്ന ഒരു മുതലയെ ശല്യപ്പെടുത്തുന്നതായി തോന്നുന്നു. എന്നാല്‍ ഇക്കാര്യം ചിന്തിക്കുമുൻപേതന്നെ തികച്ചും അപ്രതീക്ഷിതമായ ഒരു കാഴ്ചയാണ് നാം കാണുന്നത്. ഡ്രോണിനെ പിടിക്കാൻ മുതല വെള്ളത്തിനു മുകളില്‍ ഉയരത്തിലേക്ക് വായും പിളർന്ന് ചാടുകയാണ്. ഏതായാലും ഞൊടിയിടയില്‍ അല്പം മുകളിലേക്ക് പറന്നത്തോടെ മുതലയുടെ
പെട്ടെന്നുള്ള ആക്രമണത്തില്‍ നിന്ന് ഡ്രോണ്‍ കഷ്ടിച്ച്‌ രക്ഷപ്പെടുന്നു, വീഡിയോയില്‍ മുതലയുടെ ആകർഷണീയമായ ചടുലതയും ശക്തിയും വ്യകതമായി കാണുന്നുണ്ട്.
Whatsapp Group 1 | Whatsapp Group 2 |Telegram Group
മുതലകള്‍ അവിശ്വസനീയമാംവിധം ചുറുചുറുക്കുള്ള സൃഷ്ടിയാണ്. വേഗത്തിലും ശക്തവുമായ ചലനങ്ങള്‍ക്ക് കഴിവുള്ളവയാണ്. അവരുടെ ലംബമായ ചാട്ടം, ശ്രദ്ധേയമായ വൈദഗ്ദ്ധ്യം തുടങ്ങിയവ നിമിഷങ്ങള്‍ക്കുള്ളില്‍ ഇരയെ ആക്രമിച്ചു കീഴടക്കാൻ ഇവയെ സഹായിക്കുന്നു.
ചാടി ഇരയെ പിടിക്കുന്ന മുതലയുടെ കഴിവ് പലപ്പോഴും ആളുകളെ അത്ഭുതപ്പെടുത്താറുണ്ട്. പക്ഷികളെയോ മറ്റ് മൃഗങ്ങളെയോ പതിയിരുന്ന് പിടിക്കുവാൻ ഒരു പ്രത്യേക കഴിവാണിവയ്ക്ക്. ഇരയെ ഉയരങ്ങളിലേക്ക് ചാടി പിടിക്കാനുള്ള കഴിവ് ഇവയുടെ മറ്റൊരു പ്രത്യേകതയാണ്.
ഒരു മുതലയ്ക്ക് ചാടാൻ കഴിയുന്ന ഉയരം അവയുടെ ശരീര നീളത്തിന്റെ ഒന്നുമുതല്‍ രണ്ട് ഇരട്ടിവരെയാണ്. ഒരു വലിയ മുതലയെ സംബന്ധിച്ചിടത്തോളം, ഒറ്റ ചാട്ടത്തില്‍ അവർക്ക് നിരവധി മീറ്റര്‍ ഉയരത്തിലെത്താന്‍ കഴിയുമെന്ന് അർത്ഥം. ഇതിലെല്ലാമുപരി ഇവ ജലജീവികളിലെ ശക്തരായ വേട്ടക്കാരാണ്.
