‘വോട്ടടുപ്പ് നടന്നത് വോട്ടിങ് മെഷീനിലായിപ്പോയി, വാഷിങ് മെഷീനിൽ ആയിരുന്നെങ്കിൽ സഖാക്കൾ തകർത്തേനെ’, സിപിഎമ്മിനെ ട്രോളി സന്ദീപ് വാര്യർ 

സ്വന്തം ലേഖകൻ

കോഴിക്കോട് : ഡൽഹിയിൽ ബിജെപിയെ തോൽപ്പിച്ച് എഎപിയെ വീണ്ടും അധികാരത്തിലെത്തിച്ച വോട്ടർമാർക്ക് അഭിവാദ്യം രേഖപ്പെടുത്തിയാണ് ഡിവൈഎഫ്ഐ കേരളഘടകം ഫെയ്സ്ബുക്കിൽ പോസ്റ്റിട്ടത്. ബിജെപി തോൽക്കട്ടെ, ഇന്ത്യ ജയിക്കട്ടെ.

ഡൽഹി വോട്ടർമാർക്ക് അഭിവാദ്യങ്ങൾ എന്നായിരുന്നു ഡിവൈ എഫ്ഐയുടെ പോസ്റ്റ്. രണ്ടായിരത്തിലേറെ കമന്റുകളാണ് ഈ പോസ്റ്റിന് നിലവിൽ ലഭിച്ചിരിക്കുന്നത്. ഈ പോസ്റ്റിന് താഴെ ഇട്ട കമന്റിലാണ് യുവമോർച്ച സംസ്ഥാന സെക്രട്ടറി സന്ദീപ് വാര്യർ സിപിഎമ്മിനെ ട്രോളിയത്.

‘വോട്ടടുപ്പ് നടന്നത് വോട്ടിങ് മെഷീനിലായിപ്പോയി, വാഷിങ് മെഷീനിൽ ആയിരുന്നെങ്കിൽ സഖാക്കൾ തകർത്തേനെ’, എന്നായിരുന്നു സന്ദീപ് വാര്യരുടെ കമന്റ്. ഡൽഹി നിയമസഭ തെരഞ്ഞെടുപ്പിൽ 70 അംഗ നിയമസഭയിൽ 62 സീറ്റ് നേടിയാണ് ആം ആദ്മി പാർട്ടി അധികാരം നിലനിർത്തിയത്.