എം.എ ബേബി ചുമതലയേറ്റ ശേഷം നടക്കുന്ന ആദ്യ സിപിഎം കേന്ദ്രകമ്മറ്റി യോ​ഗം നാളെ; മുഖ്യമന്ത്രി ഇന്ന് ഡൽഹിയിലേക്ക്

തിരുവനന്തപുരം: ജനറല്‍ സെക്രട്ടറിയായി എം.എ ബേബി ചുമതലയേറ്റ ശേഷം നടക്കുന്ന ആദ്യ സിപിഎം കേന്ദ്രകമ്മറ്റി യോ​ഗം നാളെ നടക്കും.

ചൊവ്വ, ബുധൻ, വ്യാഴം ദിവസങ്ങളിലായി മൂന്ന് ദിവസമാണ് ഡൽഹി സുർ‍ജിത് ഭവനിൽ യോ​ഗം ചേരുക.

പിബി അംഗങ്ങളുടേയും, കേന്ദ്രത്തിൽ പ്രവർത്തിക്കുന്ന സിസി അം​ഗങ്ങളുടെയും ചുമതലകൾ യോഗത്തിൽ തീരുമാനിക്കും.

പഹൽ​ഗാം ഭീകരാക്രമണത്തിനും, ഓപ്പറേഷൻ സിന്ദൂറിനും ശേഷമുള്ള രാഷ്ട്രീയ സാഹചര്യവും യോ​ഗത്തിൽ ചർച്ചയാകും.

മുഖ്യമന്ത്രി പിണറായി വിജയനടക്കമുള്ള നേതാക്കൾ യോ​ഗത്തിൽ പങ്കെടുക്കുന്നതിനായി ഇന്ന് വൈകിട്ട് ഡൽഹിയിലെത്തും.