ന്യൂഡൽഹി: സുപ്രീം കോടതി ഹൈക്കോടതികളുടെ ഹെഡ് മാസ്റ്റർ അല്ലെന്ന് ചീഫ് ജസ്റ്റിസ് സൂര്യകാന്ത്.
ഹൈക്കോടതികളുടെ സ്വതന്ത്ര ഭരണഘടന അവകാശത്തെ ബഹുമാനിക്കണമെന്നും ചീഫ് ജസ്റ്റിസ്.
സുപ്രീം കോടതിയെക്കാള് വിശാലമായ അധികാരപരിധി ചില കാര്യങ്ങളില് ഹൈക്കോടതികള്ക്ക് വിനിയോഗിക്കാൻ കഴിയുമെന്നും സൂര്യകാന്ത് പറഞ്ഞു. ജാർഖണ്ഡ് ഹൈക്കോടതിയുടെ ഇടക്കാല ഉത്തരവിനെതിരായ അപ്പീല് പരിഗണിക്കുന്നതിനിടെയാണ് നിരീക്ഷണം.
Whatsapp Group 1 | Whatsapp Group 2 |Telegram Group
“ഹൈക്കോടതികളുടെ പ്രവർത്തനം നിയന്ത്രിക്കുന്ന ഹെഡ്മാസ്റ്റർമാരായിട്ടല്ല ഞങ്ങള് ഇവിടെ ഇരിക്കുന്നത്. അവർ ഭരണഘടനാ സ്ഥാപനങ്ങളാണ്, ആർട്ടിക്കിള് 226, 227 പ്രകാരമുള്ള അവരുടെ അധികാരങ്ങള് ചിലപ്പോള് ഈ കോടതിയേക്കാള് മികച്ചതാണ്. അവരുടെ ഭരണഘടനാപരമായ സ്വയംഭരണത്തെ നാം മാനിക്കണം,” ചീഫ് ജസ്റ്റിസ് സൂര്യകാന്ത് പറഞ്ഞു.
സംസ്ഥാനത്തെ സംരക്ഷിത വനങ്ങളുടെ അതിർത്തികളില് നിന്ന് ഒരു കിലോമീറ്റർ പരിധിയില് കല്ല് ഖനികളും കല്ല് ക്രഷറുകളും പ്രവർത്തിപ്പിക്കുന്നതിന് അനുമതി നല്കുന്നത് തടഞ്ഞ ജാർഖണ്ഡ് ഹൈക്കോടതിയുടെ ഇടക്കാല ഉത്തരവിനെതിരെ ജാർഖണ്ഡ് സംസ്ഥാന മലിനീകരണ നിയന്ത്രണ ബോർഡ് (ജെഎസ്പിസിബി) സമർപ്പിച്ച അപ്പീലില് വാദം കേള്ക്കുന്നതിനിടെയാണ് ചീഫ് ജസ്റ്റിസിന്റെ നിരീക്ഷണം ഉണ്ടായത്.
