ചാവക്കാട് കടലിൽ മീൻപിടുത്തത്തിനിടെ അപകടം: രണ്ടു പേർക്ക് പരിക്ക്

സ്വന്തം ലേഖകൻ

തൃശൂർ: ചാവക്കാട് കടലിൽ മീൻപിടുത്തത്തിനിടെയുണ്ടായ അപകടത്തിൽ രണ്ട് തൊഴിലാളികൾക്ക് പരിക്ക്.

പുത്തൻ കടപ്പുറം ചെങ്കോട്ട ആലുങ്ങൽ 35 വയസുള്ള റാഫി, ബംഗാൾ കൊൽക്കത്ത സ്വദേശി 26 വയസുള്ള ന്യൂട്ടൻ എന്നിവർക്കാണ് പരിക്കേറ്റത്.

ശനിയാഴ്ച രാവിലെ 6.30 ഓടെയായിരുന്നു അപകടം. എടക്കഴിയൂർ സ്വദേശി മുജീബിന്റെ ഉടമസ്ഥതയിലുള്ള പുളിങ്കുന്നത്ത് വള്ളത്തിലെ തൊഴിലാളികളാണ് ഇരുവരും .

മീൻ പിടിക്കാൻ വലയടിക്കുന്ന സമയം പലക ഇളകിത്തെറിച്ചായിരുന്നു അപകടം സംഭവിച്ചത്. ന്യൂട്ടന്റെ കൈ വിരലാണ് അറ്റത്. റാഫിക്കും കൈക്കാണ് പരിക്ക്. രണ്ടുപേരെയും മുതുവട്ടൂർ രാജ ആശുപത്രിയിൽ പ്രവേശിപ്പിച്ചു.