ഡ്രൈവിംഗ് പരിശീലനത്തിനിടെ നിയന്ത്രണംവിട്ട കാര് മതിലിലേക്ക് ഇടിച്ചുകയറി അപകടം: ഒരാള്ക്ക് പരിക്ക്
സ്വന്തം ലേഖിക
കടുത്തുരുത്തി: ഡ്രൈവിംഗ് പരിശീലിപ്പിക്കുന്നതിനിടെ നിയന്ത്രണംവിട്ട കാര് മതിലിലേക്ക് ഇടിച്ചുകയറി അപകടം.
കാര് ഓടിക്കാന് പരിശീലനം നൽകാൻ കൂടെയുണ്ടായിരുന്ന ആള്ക്ക് അപകടത്തില് സാരമായി പരിക്കേറ്റു. ഇയാളെ മുട്ടുചിറയിലെ സ്വകാര്യ ആശുപത്രിയില് പ്രവേശിപ്പിച്ചു.
കടുത്തുരുത്തി മുട്ടുചിറയില് വെള്ളിയാഴ്ച രാവിലെ പത്തോടെയാണ് അപകടമുണ്ടായത്. മുട്ടുചിറ പെട്രോള് പമ്പിന് സമീപത്തുവച്ചാണ് അപകടമുണ്ടായത്.
Whatsapp Group 1 | Whatsapp Group 2 |Telegram Group
കാര് ഓടിച്ചു പഠിപ്പിക്കുന്നതിനിടയില് സ്ത്രീ ഓടിച്ചിരുന്ന കാര് നിയന്ത്രണംവിട്ട് സ്വകാര്യവ്യക്തിയുടെ മതിലിലിടിച്ചാണ് അപകടം. കാര് വളയ്ക്കുന്നതിനിടെ നിയന്ത്രണം തെറ്റുകയായിരുന്നു.
വാഹനത്തിന്റെ മുന്ഭാഗം ഓടയില് കുടുങ്ങിയതോടെ കൂടുതല് അപകടം ഒഴിവായി.
തൃപ്പൂണിത്തറ പുതിയകാവ് സ്വദേശിയായ സ്ത്രീ ഓടിച്ച കാര് ആണ് അപകടത്തില്പ്പെട്ടത്. അപകടത്തില് കാറിന്റെ മുന്വശം പൂര്ണമായും തകര്ന്നു. കടുത്തുരുത്തി പോലീസ് അപകടസ്ഥലത്തെത്തിയിരുന്നു.