കൊവിഡ് 19: നി​യ​മ​സ​ഭാ സ​മ്മേ​ള​നം മാ​റ്റി​വക്കാ​ൻ സാ​ധ്യ​ത

സ്വന്തം ലേഖകൻ

തിരുവനന്തപുരം: ത​ല​സ്ഥാ​ന ന​ഗ​ര​ത്തി​ലെ കൊ​വി​ഡ് വ്യാ​പ​ന​ത്തി​ന്‍റെ പ​ശ്ചാ​ത്ത​ല​ത്തി​ൽ നി​യ​മ​സ​ഭാ സ​മ്മേ​ള​നം മാ​റ്റി​വ​യ്ക്കാ​ൻ സാ​ധ്യ​ത. ധ​ന​ബി​ൽ പാ​സാ​ക്കാ​നാ​യി ഈ മാസം 27ന് ​ഒ​രു ദി​വ​സ​ത്തേ​ക്കാ​ണ് സ​മ്മേ​ള​നം തീ​രു​മാ​നി​ച്ചി​രു​ന്ന​ത്. സ​മ്മേ​ള​നം മാ​റ്റി​വ​യ്ക്കു​ന്ന​തു​മാ​യി ബ​ന്ധ​പ്പെ​ട്ട് സ​ർ​ക്കാ​ർ വെ​ള്ളി​യാ​ഴ്ച സ​ർ​വ​ക​ക്ഷി യോ​ഗ​വും വി​ളി​ച്ചു ചേ​ർ​ത്തി​ട്ടു​ണ്ട്. ധ​ന​കാ​ര്യ​ബി​ല്ലി​ന്‍റെ കാ​ലാ​വ​ധി നീ​ട്ടാ​ൻ ഓ​ർ​ഡി​ന​ൻ​സ് ഇ​റ​ക്കാ​നും സ​ർ​ക്കാ​ർ ആ​ലോ​ചി​ക്കു​ന്നു​ണ്ട്.

ഏപ്രില്‍ ഒന്നിന് പ്രാബല്യത്തില്‍ വന്ന ധനകാര്യ ബില്‍ ഈ മാസം ഈ മാസം മുപ്പതോടെ അസാധുവാകും. ഈ സാഹചര്യം ഒഴിവാക്കുക എന്നതായിരുന്നു പ്രധാന അജണ്ട. ജൂലൈ 27ന് ഒരു ദിവസത്തേക്കാണ് സഭ ചേരാന്‍ തീരുമാനിച്ചിരുന്നത്.എന്നാല്‍ ഓര്‍ഡിനന്‍സ് ഇറക്കി ധനകാര്യ ബില്ലിന്റെ കാലാവധി നീട്ടാനുള്ള സാധ്യതയാണ് സര്‍ക്കാര്‍ ഇപ്പോള്‍ പരിശോധിക്കുന്നത്.

അതേസമയം സമ്മേളനത്തിൽ സർക്കാരിനെതിരെ അവിശ്വാസ പ്രമേയത്തിന് പ്രതിപക്ഷം നോട്ടീസ് നൽകിയിരുന്നു. അവിശ്വാസ പ്രമേയം അവതരിപ്പിക്കാൻ വി ഡി സതീശൻ എംഎൽഎ നിയമസഭാ സെക്രട്ടറിക്ക് കത്ത് നൽകിയിട്ടുണ്ട്. പിണറായി വിജയന്‍റെ മന്ത്രിസഭക്കെതിരെ ഈ സഭ അവിശ്വാസം രേഖപ്പെടുത്തുന്നുവെന്ന ഒറ്റ വരി പ്രമേയത്തിനാണ് നോട്ടീസ് നൽകിയിരുന്നത്. സംസ്ഥാനത്ത് കൊവിഡ് വ്യാപനം രൂക്ഷമാകുന്ന പശ്ചാത്തലത്തില്‍ ജനപ്രതിനിധികള്‍ക്ക് മണ്ഡലങ്ങളില്‍ പ്രതിരോധ പ്രവര്‍ത്തനങ്ങള്‍ക്ക് നേതൃത്വം നല്‍കേണ്ടതിനാലാണ് സഭാ സമ്മേളനം മാറ്റിവയ്ക്കുന്നതെന്നാണ് വിവരം.