ബോട്ടും വള്ളവും കൂട്ടിയിടിച്ച് വിദ്യാർഥിനി മരിച്ചതിനെ തുടർന്ന് നിര്ത്തിവച്ച ചീപ്പുങ്കൽ – മണിയാപറമ്പ് ബോട്ട് സർവീസ് പുനരാരംഭിച്ചു

സ്വന്തം ലേഖകൻ
കോട്ടയം: അയ്മനം കരീമഠത്ത്  നിർത്തി വച്ച ബോട്ട് സർവീസ് പുനരാരംഭിച്ചു.

കരീമഠo, മണിയാപറമ്പ് പ്രദേശവാസികൾക്ക് ഏറെ യാത്രാ ക്ലേശത്തിനു കാരണമായി നിർത്തിവെച്ചിരുന്ന ജലഗതാഗത വകുപ്പിന്റെചീപ്പുങ്കൽ – മണിയാപറമ്പ് ബോട്ട് സർവീസ് ആണ്
ബുധനാഴ്ച പുനരാരംഭിച്ചത്. വള്ളവും ബോട്ടുമായി കൂട്ടിമുട്ടിയുണ്ടായ അപകടത്തെ തുടർന്ന് അനശ്വര എന്ന സ്കൂൾ വിദ്യാർത്ഥിനിയാണ് ഇവിടെ മുങ്ങി മരിച്ചത്.

തുടർന്നാണ് എസ് 49-ാം നമ്പർ ചീപ്പുങ്കൽ – മണിയാപറമ്പ് ബോട്ട് സർവീസ് നിർത്തിയത്. ബോട്ടിന്റെ അറ്റകുറ്റ പണികളും പെയിന്റിംഗും നടത്തിയെങ്കിലും, ബോട്ട് സർവീസ് നടത്തുന്ന റൂട്ടിന്റെ അനുമതി തുറമുഖ വകുപ്പിൽ നിന്നും ലഭിക്കാൻ വൈകിയതാണ് സർവീസ് പുനരാരംഭിക്കാൻ തടസ്സമായിരുന്നത്. നേരത്തേ അതിരമ്പുഴ വരെയുണ്ടായിരുന്ന സർവീസ്

ഇപ്പോൾ മന്നിയാ പറമ്പ് വരെയാക്കി ചുരുക്കി.
അതിരമ്പുഴ വരെയുള്ള സർവീസ് നിർത്തിയശേഷം മാന്നാനം വരെയാക്കി. പിന്നീട് കുട്ടോമ്പുറം വരെ പോകുമായിരുന്നു. ഇപ്പോഴതും നിർത്തിയാണ് മണിയാപറമ്പ് വരെയാക്കിയത്.പെണ്ണാർ

തോടിന്റെ ആഴക്കുറവും യാത്രക്കാർ കുറഞ്ഞതുമാണ് ഗതാഗതം ചുരുക്കാൻ കാരണം.
പണ്ട് ആർപ്പൂക്കര , അയ്മനം പഞ്ചായത്തുകളുടെ പടിഞ്ഞാറൻ പ്രദേശത്ത് റോഡ് സൗകര്യം കുറവായിരുന്നു. അന്ന് ബോട്ടും വള്ളവുമായിരുന്നു ഏക ആശ്രയം. ഇപ്പോൾ . പലസ്ഥലത്തും റോഡ് നിർമിച്ചതോടെയാണ് ബോട്ടിൽ യാത്രക്കാർ കുറഞ്ഞത്.