യുവതിയുടെ നഗ്ന ചിത്രങ്ങൾ പ്രചരിപ്പിക്കുമെന്ന് ഭീഷണിപ്പെടുത്തി; ബിജെപി യുവമോർച്ച നേതാക്കൾക്കെതിരെ കേസെടുത്ത് പൊലീസ്

തൃശൂർ: യുവതിയുടെ നഗ്ന ചിത്രങ്ങൾ പ്രചരിപ്പിക്കുമെന്ന് ഭീഷണിപ്പെടുത്തിയ സംഭവത്തിൽ ബിജെപി-യുവമോർച്ച നേതാക്കൾക്കെതിരെ കേസെടുത്ത് പോലീസ്.

Link

Embed

Copy and paste this HTML code into your webpage to embed.

പുല്ലൂർ സ്വദേശിനിയുടെ പരാതിയിൽ ബിജെപി ആളൂർ മുൻ മണ്ഡലം ജനറൽ സെക്രട്ടറിയായ അഖിലേഷ്, യുവമോർച്ച സംസ്ഥാന സമിതി അംഗം ശ്യാംജി മഠത്തിൽ എന്നിവർക്കെതിരെയാണ് കേസെടുത്തത്.

സാമൂഹിക മാധ്യമത്തിലൂടെ യുവതിയുടെ നഗ്നചിത്രം പ്രചരിപ്പിക്കുമെന്നായിരുന്നു ഭീഷണി. ഇരിങ്ങാലക്കുട പൊലീസാണ് കേസ് എടുത്തത്.

ഇൻസ്റ്റഗ്രാമിലൂടെ നഗ്‌നചിത്രം പ്രചരിപ്പിക്കുമെന്ന് ഭീഷണിപ്പെടുത്തിയ പ്രതികൾ വധഭീഷണി മുഴക്കിയെന്നും പരാതിയിൽ പറയുന്നു. പരാതിയിൽ കേസെടുത്ത് അന്വേഷണം തുടങ്ങിയതായി ഇരിങ്ങാലക്കുട പൊലീസ് അറിയിച്ചു.