സി.കെ ജാനുവിൻ്റെ കോഴ വിവാദം: വയനാട് ജില്ലയിൽ ബി.ജെ.പിയിൽ പ്രതിസന്ധി: പ്രവർത്തകർ കൂട്ടരാജിയ്ക്ക്

സ്വന്തം ലേഖകൻ

കൽപ്പറ്റ : നിയമസഭാ തിരഞ്ഞെടുപ്പുമായി ബന്ധപ്പെട്ട് ഉയർന്ന കോഴ വിവാദത്തിൽ വയനാട് ജില്ലാ ബിജെപിയിൽ പ്രതിസന്ധി.

യുവമോർച്ച നേതാക്കൾക്കെതിരെ സ്വീകരിച്ച നടപടിയിൽ പ്രതിഷേധിച്ച് നിരവധി ഭാരവാഹികൾ രാജിവെച്ചു.
യുവമോർച്ച ജില്ലാ പ്രസിഡന്റിനേയും മണ്ഡലം പ്രസിഡന്റിനേയും സ്ഥാനത്ത് നിന്ന് നീക്കി അച്ചടക്ക നടപടി എടുത്തിരുന്നു.

യുവമോർച്ച ജില്ലാ പ്രസിഡന്റ് ദീപു പുത്തൻപുരയിലിനെ ജില്ലാ കമ്മിറ്റിയും മണ്ഡലം പ്രസിഡന്റ് ലിലിൽ കുമാറിനെ ബത്തേരി മണ്ഡലം കമ്മിറ്റിയുമാണ് തൽസ്ഥാനത്ത് നിന്ന് നീക്കിയത്.
കോഴ വിവാദത്തിൽ ആരോപണം ഉയർന്ന നേതാക്കൾക്കെതിരെ വിമർശനമുയർത്തിയിരുന്നു ഈ നേതാക്കൾ. ഇതേ തുടർന്നാണ് നടപടി