ബൈക്കും കാറും കൂട്ടിയിടിച്ച് യുവാവ് മരിച്ചു: മരിച്ചത് നെല്ലിപ്പടി സ്വദേശിയായ യുവാവ്

സ്വന്തം ലേഖകൻ

കൊച്ചി : കോതമംഗലത്ത് ബൈക്കും വാനും കൂട്ടിയിടിച്ചുണ്ടായ അപകടത്തില്‍ യുവാവ് മരിച്ചു. നെല്ലിമറ്റം കോളനിപ്പടി സ്വദേശി ജംനാസ് ജമാല്‍ (32) ആണ് മരിച്ചത്.

ഞായറാഴ്ച വൈകിട്ട് ഓടക്കാലി – ഇരുമലപ്പടി റൂട്ടില്‍ വച്ച്‌ ജംനാസ് സഞ്ചരിച്ച ബുള്ളറ്റ് പിക്കപ്പ് വാനുമായി കൂട്ടിയിടിക്കുകയായിരുന്നു.

ഉടന്‍ കോതമംഗലത്തെ സ്വകാര്യ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.

നെല്ലിമറ്റം കലാഗൃഹത്തിലെ ഡ്രൈവറായിരുന്നു. അന്തരിച്ച പ്രമുഖ ചിത്രകാരന്‍ ഏദോ (ജമാല്‍ )യുടെ മകനാണ്.