ഭൂമി നശിക്കും ജീവജാലങ്ങൾ ഇല്ലാതാകും :കൃത്യമായി കണക്കുകൂട്ടി കണ്ടെത്തിയിരിക്കുകയാണ് അന്താരാഷ്‌ട്ര ഗവേഷകർ.
ഡൽഹി: പ്രപഞ്ചത്തില്‍ ജീവനുണ്ടെന്ന് കണ്ടെത്തിയിരിക്കുന്ന ഒരോയൊരു ഗ്രഹമാണ് നമ്മുടെ ആവാസകേന്ദ്രമായ ഭൂമി. ജീവനും പ്രകൃതി പ്രതിഭാസങ്ങളും ഉണ്ടാകാൻ കാരണമായ അനുകൂല സാഹചര്യങ്ങളുള്ള ഭൂമി പക്ഷെ ഒരുകാലത്ത് പാടേ നശിക്കും എന്ന് ഏതാണ്ട് കണക്കുകൂട്ടി കണ്ടെത്തിയിരിക്കുകയാണ് അന്താരാഷ്‌ട്ര ഗവേഷകർ.
നാസയിലെ ശാസ്‌ത്രജ്ഞരും ജപ്പാനിലെ ടോഹോ സർവകലാശാല വിദഗ്ദ്ധരും ചേർന്നാണ് ഇക്കാര്യത്തില്‍ കൃത്യമായ കണക്കുകൂട്ടല്‍ നടത്തിയത്. സൂപ്പർ കമ്ബ്യൂട്ടറുകള്‍ നല്‍കുന്ന നൂതന ഗണിത മാതൃകകള്‍ അനുസരിച്ചുള്ള കണക്കുകൂട്ടലില്‍ ഭൂമിയില്‍ നൂറ് കോടി വർഷങ്ങള്‍ കൂടിയെ ജീവൻ സാദ്ധ്യമാകൂ.
കാലങ്ങള്‍ക്കകം സൂര്യൻ വളരുകയും ഒരു നക്ഷത്ര ഭീമനായി അത് മാറുകയും ചെയ്യും. വലുപ്പം കൂടുംതോറും സൂര്യൻ താപോർജ്ജം കൂടുതല്‍ പുറത്തുവിടും. ഇത് ഭൂമിയിലെ അന്തരീക്ഷ താപനില സഹിക്കാവുന്നതിലും അധികമാക്കും. നൂറ് കോടി ഇരുപത്തൊന്നാം വർഷത്തിലാകും ഇപ്പോഴത്തെ സ്ഥിതിയനുസരിച്ച്‌ ഇത്തരത്തില്‍ സംഭവിക്കുക എന്നാണ് പഠനവിവരം. ഇതോടെ ജീവജാലങ്ങള്‍ പാടേ നശിക്കും.
Whatsapp Group 1 | Whatsapp Group 2 |Telegram Group
നിലവില്‍ ധാരാളം സൗര സ്‌ഫോടനങ്ങളും കൊറോണല്‍ മാസ് ഇജക്ഷനും കാരണം കഴിഞ്ഞ രണ്ട് പതിറ്റാണ്ടുകളായി ശക്തമായ സൗര കൊടുങ്കാറ്റ് ഭൂമിയിലേക്ക്‌ ഉണ്ടാകുന്നുണ്ട്. ഇവ പ്രകൃതിയില്‍ മാറ്റത്തിന് ഇടയാക്കുകയും ഓക്‌സിജൻ അളവില്‍ കുറവുണ്ടാക്കുകയും ചെയ്യുന്നതായി തെളിഞ്ഞിട്ടുമുണ്ട്.
ഭാവിയില്‍ ഇത്തരം പ്രശ്‌നം ഒഴിവാക്കാൻ വിദഗ്ദ്ധർ പഠനങ്ങള്‍ നടത്തി വരികയാണ്. ഭൂമിയിലെ ജീവൻ അവസാനിക്കുമെന്ന് മനസിലാക്കിയ മനുഷ്യർ മറ്റ് ഗ്രഹങ്ങളിലടക്കം ജീവനുണ്ടാകാനുള്ള സാദ്ധ്യത പഠിക്കുകയാണ് ഇപ്പോള്‍.
