വീടിന്റെ മുൻപിൽ വിറകിട്ടത് ചോദ്യം ചെയ്‌ത‌ ഭിന്നശേഷിക്കാരനെ അയൽവാസി മർദിച്ചു: സംഭവം കങ്ങഴയിൽ

കങ്ങഴ :വീടിന്റെ മുൻപിൽ വിറകിട്ടത് ചോദ്യം ചെയ്‌ത ഭിന്നശേഷിക്കാരനെ അയൽവാസികൾ മർദിച്ചതായി പരാതി.

കങ്ങഴ കാരമല മുളമൂട്ടിൽ ജോപ്പൻ ജോർജ് (35) നാണ് മർദനമേറ്റത്. ഇയാളെ പാമ്പാടി താലൂക്ക് ആശുപത്രി
യിൽ പ്രവേശിപ്പിച്ചു.

തിങ്കളാഴ്ച്ച രാവിലെ 8.30നാണ് സംഭവം. വീടിന് മുൻപിലെ വഴിയിൽ അയൽവാസികൾ വിറകും തടിയും കൊണ്ടിട്ടിരുന്നു

ഇതു നീക്കണമെന്ന് ജോപ്പൻ പറഞ്ഞതോടെ പ്രകോപിതരായ
അയൽവാസിയും കുടുംബവും ചേർന്ന് ക്രൂരമായി മർദിച്ചെന്നാണു പരാതി.

കാപ്പിവടി കൊണ്ടുള്ള അടിയേറ്റ് ജോപ്പന്റെ ഇടതു കയ്യിൽ പൊട്ടലുണ്ടായി. പുറത്തും മുഖത്തും മർദനമേറ്റു. കറുകച്ചാൽ പൊലീസ് കേസെടുത്തു.