ഭാരത് ജോഡോ യാത്രയ്ക്കിടെ കോൺഗ്രസ്‌ എം പി കുഴഞ്ഞുവീണു മരിച്ചു

സ്വന്തം ലേഖകൻ

പഞ്ചാബ് : ഭാരത് ജോഡോ യാത്രയ്ക്കിടെ കോൺഗ്രസ്‌ എം പി കുഴഞ്ഞുവീണു മരിച്ചു. ജലന്ദർ എംപി സന്തോഷ് സിങ് ചൗദരിയാണ് കുഴഞ്ഞുവീണു മരിച്ചത്.

പഞ്ചാബിലെ ഫില്ലുരിലാണ് സംഭവം. രാഹുൽ ഗാന്ധിയോടൊപ്പം നടക്കുന്നതിനിടെ എം.പിക്ക് ശാരീരികാസ്വാസ്ഥ്യം ഉണ്ടാവുകയായിരുന്നു.

ഉടൻ തന്നെ അദ്ദേഹത്തെ ഫഗ്വാരയിലെ വിരക് ആശുപത്രിയിൽ പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. ഹൃദയാഘാതമാണ് മരണകാരണമെന്നാണ് പ്രാഥമിക നിഗമനം.

എംപിയുടെ നിര്യാണത്തെ തുടർന്ന് ഭാരത് ജോഡോ യാത്ര താൽക്കാലികമായി നിർത്തിവച്ചു.കോൺഗ്രസ് എം.പിയുടെ നിര്യാണത്തിൽ അനുശോചനമറിയിച്ച് പഞ്ചാബ് മുഖ്യമന്ത്രി ഭഗവന്ത് മൻ രംഗത്തെത്തി. എം.പിയുടെ മരണത്തിൽ അതീവ ദുഃഖമുണ്ടെന്നും അനുശോചനം രേഖപ്പെടുത്തുകയാണെന്നും അദ്ദേഹം ട്വിറ്ററിൽ കുറിച്ചു.