വെള്ളനാട് കിണറ്റില്‍ വീണ് കരടി ചത്ത സംഭവം: കരടിയെ മനപൂര്‍വ്വം കൊല്ലാനുള്ള ഉദ്ദേശം ഉണ്ടായിരുന്നോ…? ഉദ്യോഗസ്ഥരെ എങ്ങനെ കുറ്റപ്പെടുത്തുമെന്ന് ഹൈക്കോടതി

സ്വന്തം ലേഖിക

തിരുവനന്തപുരം: വെള്ളനാട് കിണറ്റില്‍ വീണ് കരടി ചത്ത സംഭവത്തില്‍ ഉദ്യോഗസ്ഥരുടെ മേല്‍ ക്രിമിനല്‍ ബാധ്യത എങ്ങനെ ചുമത്തുമെന്ന് ഹൈകോടതി.

കരടിയെ മനപൂര്‍വ്വം കൊല്ലാനുള്ള ഉദ്ദേശം ഇവര്‍ക്കുണ്ടായിരുന്നില്ലല്ലോ എന്നും ഹര്‍ജിക്കാരോട് കോടതി ചോദിച്ചു.

ഉദ്യോഗസ്ഥര്‍ നേരായ ഉദ്ദേശത്തോടെ പ്രവര്‍ത്തിച്ചെങ്കിലും ദൗര്‍ഭാഗ്യവശാല്‍ കരടിക്ക് ജീവന്‍ നഷ്ടപ്പെടുകയായിരുന്നില്ലേ എന്നും കോടതി ചോദിച്ചു.

പൊതുതാത്പര്യ ഹര്‍ജിയില്‍ വനം വകുപ്പ് ഉള്‍പ്പടെയുള്ള എതിര്‍ കക്ഷികള്‍ക്ക് കോടതി നോട്ടീസ് അയച്ചു.

വീഴ്‌ച വരുത്തിയ ഉദ്യോഗസ്ഥര്‍ക്കെതിരെ കേസ് എടുക്കണമെന്നാവശ്യപ്പെട്ടുള്ള വാക്കിംഗ് ഐ ഫൗണ്ടേഷന്‍ ഫോര്‍ അനിമല്‍ അഡ്വക്കസി എന്ന സംഘടനയുടെ ഹര്‍ജി ആണ് കോടതി പരിഗണിച്ചത്. കേസ് മെയ് 25 ന് വീണ്ടും പരിഗണിക്കും.