മലപ്പുറം: മാസങ്ങളായി അമരമ്പലം ടി കെ കോളനി പരിസരങ്ങളിലും ധര്മശാസ്താ ക്ഷേത്രമുറ്റത്തും ഭീതി പരത്തിയ കരടിക്ക് പുതിയ താവളം. വനം വകുപ്പ് ഒരുക്കിയ കെണിയില് വീണ കരടിയെ തൃശൂര് പുത്തുര് സുവോളജിക്കല് പാർക്കിലേക്ക് മാറ്റി.
കഴിഞ്ഞ വ്യാഴാഴ്ച അര്ധരാത്രിയോടെയാണ് ജനവാസ കേന്ദ്രങ്ങളെ വിറപ്പിച്ചിരുന്ന കരടി വനം വകുപ്പിന്റെ കെണിയില് കുടുങ്ങിയത്. ആറു വയസ്സ് പ്രായം തോന്നിക്കുന്ന ആണ്കരടിയായിരുന്നു. തുടര്ന്ന് അമരമ്പലം സൗത്തിലെ ആര് ആര് ടി ക്യാമ്പി ലേക്ക് മാറ്റിയ കരടിയെ വനംവകു പ്പ് വെറ്ററിനറി സര്ജന് ഡോ. എസ്. ശ്യാം വിശദമായി പരിശോധിച്ച് പൂര്ണ ആരോഗ്യവാനാണെന്ന് കണ്ടെത്തി.
നിലമ്പൂര് സൗത്ത് ഡി എഫ് ഒ ജി ധനിക് ലാല്, കാളികാവ് റേഞ്ച് ഓഫിസര് പി രാജീവ് എന്നിവരുടെ നേരിട്ടുള്ള മേല്നോട്ടത്തിലാണ് കരടിയെ മാറ്റാനുള്ള നടപടികള് പൂര്ത്തിയാക്കിയത്. വനം വകുപ്പിന്റെ പ്രത്യേക ഉത്തരവ് ലഭിച്ചതോടെ ഞായറാഴ്ച വൈകീട്ടോടെ തൃശൂരിലേക്ക് കൊണ്ടുപോവുകയായിരുന്നു.
Whatsapp Group 1 | Whatsapp Group 2 |Telegram Group
മലയോര മേഖലയിലെ ജനങ്ങളുടെ ഉറക്കം കെടുത്തിയിരുന്ന കരടിയെ സുരക്ഷിതമായി മാറ്റാനായതിന്റെ ആശ്വാസത്തിലാണ് നാട്ടുകാരും വനം വകുപ്പ് ഉദ്യോഗസ്ഥരും.
