ഫുട്‌ബോൾ താരങ്ങളോടുള്ള ആരാധനയോ, ദേഷ്യമോ കാരണം കടിച്ചു തിന്നാൻ മോഹമുണ്ടോ…? നെയ്മറും റൊണാൾഡോയും കാത്തിരിക്കുന്നു; മെസിക്ക് ഓർഡറായി..! സംഗതി കേക്കിലാണെങ്കിലും സംഭവം മല്ലപ്പള്ളിയിലുണ്ട്

സ്വന്തം ലേഖകൻ

പത്തനംതിട്ട: ജനപ്രിയ ഫുട്‌ബോൾ താരങ്ങളോടുള്ള ആരാധനയോ, ദേഷ്യമോ കാരണം കടിച്ചു തിന്നാൻ മോഹമുണ്ടോ…? മല്ലപ്പള്ളിയിൽ വന്നാൽ മതി. ഡെലീഷ്യ ബേക്കറിയിൽ.

മെസി, നെയ്മർ, റൊണാൾഡോ എന്നിവരെ കേക്കിലാക്കി വച്ചിട്ടുണ്ട്. ജയിച്ചവരെന്നോ തോറ്റവരെന്നോ വേർതിരിവിവൊന്നുമില്ല.

900 രൂപയാണ് വില. മെസി വാനിലയിലാണെങ്കിൽ, നെയ്മർ ബട്ടർ സ്കോച്ചിലും, റൊണാൾഡോ ചോക്ലേറ്റിലുമാണ്. മെസിക്ക് ഓർഡറായി.. ഫൈനലിൽ തീരുമാനമാകും. നെയ്മറും, റൊണാൾഡോയും കാത്തിരിക്കുന്നു.ലോകകപ്പില്‍ നിന്ന് പുറത്തായാലും ആരാധകര്‍ വാങ്ങുമെന്ന പ്രതീക്ഷയില്‍…