ഓട്ടോറിക്ഷ നിർത്തിയിട്ട ട്രക്കിലിടിച്ച് അപകടം; ഏഴുപേർ മരിച്ചു, ആറ് പേർക്ക് പരിക്ക്

മധ്യപ്രദേശ്: മധ്യപ്രദേശിലെ ഛത്തർപൂർ ജില്ലയിൽ ഭക്തർ സഞ്ചരിച്ച ഓട്ടോറിക്ഷ നിർത്തിയിട്ട ട്രക്കുമായി കൂട്ടിയിടിച്ച് ഏഴുപേർ മരിക്കുകയും ആറു പേർക്ക് പരിക്കേൽക്കുകയും ചെയ്തു.

Link

Embed

Copy and paste this HTML code into your webpage to embed.

ഓട്ടോറിക്ഷയിൽ 13 യാത്രക്കാരുണ്ടായിരുന്നുവെന്നും അവർ മഹോബ റെയിൽവേ സ്റ്റേഷനിൽ നിന്ന് ബാഗേശ്വർ ധാമിലേക്ക് പോകുകയായിരുന്നുവെന്നും പോലീസ് പറഞ്ഞു.

ഛത്തർപൂർ സിവിൽ ലൈൻ പോലീസ് സ്റ്റേഷൻ പരിധിയിൽ ഝാൻസി-ഖജുരാഹോ ഹൈവേയിലാണ് സംഭവമെന്ന് പോലീസ് സൂപ്രണ്ട് അഗാം ജെയിൻ എ.എൻ.ഐയോട് പറഞ്ഞു.

പരിക്കേറ്റ യാത്രക്കാരെ ആശുപത്രിയിൽ പ്രവേശിപ്പിച്ചിരിക്കുകയാണ്. പരിക്കേറ്റവർക്ക് സാധ്യമായ എല്ലാ സഹായവും നൽകുന്നുണ്ടെന്നും ഉദ്യോഗസ്ഥർ പറഞ്ഞു.