വർഗീയ വിദ്വേഷം പരത്തുന്ന തരത്തിൽ ഫെയ്‌സ് ബുക്കിൽ വീഡിയോ ഇട്ട യുവാവ് പൊലീസ് പിടിയിൽ: ഡിവൈഎഫ്ഐ നൽകിയ പരാതിയെ തുടർന്നാണ് നടപടി

സ്വന്തം ലേഖകൻ

അഗളി: വർഗീയ വിദ്വേഷം പരത്തുന്ന തരത്തിൽ ഫേസ്ബുക്കിൽ വീഡിയോയിട്ട യുവാവ് പൊലീസ് പിടിയിൽ. അഗളി കള്ളമല സ്വദേശി ശ്രീജിത്ത് രവീന്ദ്രനെ(24)യാണ് അഗളി പോലീസ് അറസ്റ്റ് ചെയ്തത്. മതസ്പർദ്ധ വളർത്താൻ ശ്രമിച്ചുവെന്ന കുറ്റത്തിനാണ് അറസ്റ്റ്. ഇയാൾക്കെതിരെ ഡിവൈഎഫ്ഐ നൽകിയ പരാതിയെ തുടർന്നാണ് നടപടി. സംഭവത്തിൽ കേരള പോലീസ് മീഡിയ സെൻററിൻറെ ഫെയ്‌സ്ബുക്ക് പേജിൽ ട്രോൾ വീഡിയോ പങ്കുവച്ചു.

വർഗീയ ചേരിതിരിവ് ഉണ്ടാക്കാൻ ശ്രമിക്കുന്നവർക്കെതിരെ കർശന നടപടി സ്വീകരിക്കുമെന്ന് സംസ്ഥാന പോലീസ് മേധാവി ലോക്നാഥ് ബെഹ്റ ചൊവ്വാഴ്ച അറിയിച്ചിരുന്നു.നവമാധ്യമങ്ങളിലൂടെ ഇത്തരത്തിലുള്ള സന്ദേശങ്ങൾ തയാറാക്കുകയോ ഫോർവേഡ് ചെയ്യുകയോ ചെയ്യുന്നവർക്കെതിരെയും നടപടി സ്വീകരിക്കുന്നതാണ്. സമൂഹ മാധ്യമങ്ങളിലൂടെയുള്ള എല്ലാ സന്ദേശങ്ങളും പൊലീസിന്റെ നിരീക്ഷണത്തിലായിരിക്കുമെന്നും ഡിജിപി ലോകനാഥ് ബെഹ്‌റ അറിയിച്ചിരുന്നു.