പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യി​ൽ​ നി​ന്ന് 24 പ​വ​ൻ ത​ട്ടി​യെ​ടുത്തു ; നാ​ലം​ഗ സംഘം അറസ്റ്റിൽ

കോ​ട്ട​ക്ക​ൽ: സ​മൂ​ഹ​മാ​ധ്യ​മം വ​ഴി സൗ​ഹൃ​ദം സ്ഥാ​പി​ച്ച് പ്രാ​യ​പൂ​ർ​ത്തി​യാ​കാ​ത്ത പെ​ൺ​കു​ട്ടി​യി​ൽ​ നി​ന്ന് 24 പ​വ​ൻ ത​ട്ടി​യെ​ടു​ത്ത നാ​ലം​ഗ സംഘത്തെ അറസ്റ്റ് ചെയ്തു. ചാ​പ്പ​ന​ങ്ങാ​ടി വ​ട്ട​പ​റ​മ്പ് സ്വ​ദേ​ശി​ക​ളാ​യ ചേ​ക്ക​ത്ത് ന​ബീ​ർ (19), സ​ഹോ​ദ​ര​ൻ അ​ൽ അ​മീ​ൻ (20), ഒ​തു​ക്കു​ങ്ങ​ൽ ക​ള​ത്തി​ങ്ങ​ൽ മു​ഹ​മ്മ​ദ് വ​സീം (22), ചെ​റു​കു​ന്ന് പ​ടി​ക്ക​ൽ ജാ​സി​ൽ അ​നാ​ൻ (21) എ​ന്നി​വ​രെ​യാ​ണ് അ​റ​സ്റ്റ് ചെ​യ്ത​ത്. പെ​ൺ​കു​ട്ടി​യു​ടെ സ​ഹോ​ദ​ര​ഭാ​ര്യ​യു​ടെ ആ​ഭ​ര​ണ​ങ്ങ​ൾ കാ​ണാ​താ​യെ​ന്ന പ​രാ​തി​യി​ലാ​യി​രു​ന്നു അ​ന്വേ​ഷ​ണം.

അതേസമയം വാ​ഹ​ന​ക​ച്ച​വ​ട​ക്കാ​ര​നാ​യ മു​ഹ​മ്മ​ദ് വ​സീ​മി​ൽ​ നി​ന്നാ​ണ് സ്വ​ർ​ണം വി​റ്റ പ​ണ​മു​പ​യോ​ഗി​ച്ച് മു​ഖ്യ​പ്ര​തി ന​ബീ​ർ കാ​ർ വാങ്ങുകയായിരുന്നു. വ​സീ​മാ​ണ് ഒ​തു​ക്കു​ങ്ങ​ലി​ലെ സ്വ​ർ​ണ​ക്ക​ട​യി​ലെ ജീ​വ​ന​ക്കാ​ര​നാ​യ ജാ​സി​ൽ അ​നാ​നെ ന​ബീ​റി​ന് പ​രി​ച​യ​പ്പെ​ടു​ത്തി​യ​ത്.

സ്വ​ർ​ണം വി​റ്റ​തി​ൽ ഒ​മ്പ​തു ല​ക്ഷം രൂ​പ മാ​ത്ര​മാ​ണ് ജാ​സി​ൽ അ​നാ​ൻ പ്ര​തി​ക​ൾ​ക്ക് കൈ​മാ​റി​യ​ത്. ഇ​തി​ൽ നാ​ലു ല​ക്ഷം രൂ​പ മൂ​ന്നാം പ്ര​തി​യും സ​ഹോ​ദ​ര​നു​മാ​യ അ​ൽ അ​മീ​ന് ന​ബീ​ർ കൈമാറുകയായിരുന്നു.