വിളര്‍ച്ച, ഉന്മേഷക്കുറവ്,തളർച്ച എന്നിവ തടയാൻ സഹായിക്കും ഈ ഭക്ഷണങ്ങള്‍
ഉന്മേഷക്കുറവ്, ഒന്നും ചെയ്യാൻ തോന്നാത്ത അവസ്ഥ, തളർച്ച, തലക്കറക്കം തുടങ്ങിയവയൊക്ക അനീമിയ ഉള്ളവരില്‍ സാധാരണയായി കാണുന്ന ലക്ഷണങ്ങളാണ്.
അനീമിയ ഏത് പ്രായക്കാർക്കും വരാം. എങ്കിലും കൂടുതല്‍ കാണുന്നത് കുട്ടികളിലും പ്രായമായവരിലും ഗർഭിണികളിലുമാണ്. ഇരുമ്ബിൻറെ അളവ് കൂടുതലുള്ള ആഹാരം ക്രമീകരിക്കുക എന്നതാണ് വിളർച്ച ഒഴിവാക്കാനുള്ള ഏക മാർഗം.
വിളർച്ച ഭേദമാക്കുന്നതിനും ഹീമോഗ്ലോബിൻ വർദ്ധിപ്പിക്കുന്നതിനുമുള്ള മികച്ച ഇരുമ്ബ് അടങ്ങിയ ഭക്ഷണങ്ങള്‍ ഏതൊക്കെയാണെന്ന് ഇൻഡോറിലെ മദർഹുഡ് ഹോസ്പിറ്റല്‍സിലെ ഡയറ്റീഷ്യൻ/ ന്യൂട്രീഷനിസ്റ്റ് പറഞ്ഞു.
Whatsapp Group 1 | Whatsapp Group 2 |Telegram Group
ഇലക്കറികള്‍…
പച്ച ഇലക്കറികള്‍ ഇരുമ്ബ്, പൊട്ടാസ്യം, വിറ്റാമിൻ കെ, ബി എന്നിവയുടെ നല്ല ഉറവിടമാണ്. ചീരയില്‍ ഇരുമ്ബിന്റെ കുറവു മാത്രമല്ല, ശരീരത്തില്‍ ഇരുമ്ബിന്റെ ആഗിരണം വർദ്ധിപ്പിക്കുന്ന വിറ്റാമിൻ സിയും ഇതില്‍ അടങ്ങിയിട്ടുണ്ട്. കരോട്ടിനോയിഡുകള്‍ എന്ന് വിളിക്കുന്ന ആന്റിഓക്‌സിഡന്റുകളാലും ഇത് സമ്ബന്നമാണ്. ഇത് വീക്കം കുറയ്ക്കുകയും പ്രതിരോധശേഷി വർദ്ധിപ്പിക്കുകയും ചെയ്തുകൊണ്ട് ആരോഗ്യം മെച്ചപ്പെടുത്തും.
പയർവർഗ്ഗങ്ങള്‍…
ബീൻസ്, പയർ, ചെറുപയർ, സോയാബീൻ, കടല എന്നിവ പോഷകസമൃദ്ധമാണ്. കൂടാതെ പയർവർഗ്ഗങ്ങള്‍ ഫോളേറ്റ്, മഗ്നീഷ്യം, പൊട്ടാസ്യം എന്നിവയുടെ മികച്ച ഉറവിടവുമാണ്. ശരീരത്തിന്റെ ഇരുമ്ബിന്റെ ആവശ്യങ്ങള്‍ നിറവേറ്റാൻ അവ സഹായിക്കുന്നു, പ്രത്യേകിച്ച്‌ മാംസം കഴിക്കാൻ ആഗ്രഹിക്കാത്ത ആളുകള്‍ക്ക്.
നട്സ്…
ഈന്തപ്പഴം, ഉണക്കമുന്തിരി, വാള്‍നട്ട്, ബദാം, ഉണങ്ങിയ ആപ്രിക്കോട്ട് തുടങ്ങിയവ ഇരുമ്ബ്, കാല്‍സ്യം, മഗ്നീഷ്യം എന്നിവ അടങ്ങിയിട്ടുണ്ട്. വിളർച്ചയും കുറഞ്ഞ ഹീമോഗ്ലോബിന്റെ അളവും ഭേദമാക്കുന്നതിനൊപ്പം ശക്തമായ പ്രതിരോധശേഷി ഉണ്ടാക്കാൻ നട്സ് സഹായിക്കും.
ബ്രൊക്കോളി…
വിളർച്ചയും ഹീമോഗ്ലോബിനും സുഖപ്പെടുത്തുന്നതിന് ഇരുമ്ബ് ആഗിരണം മെച്ചപ്പെടുത്തുന്നതിന് ബ്രോക്കോളി മികച്ചൊരു ഭക്ഷണമാണ്. ഇൻഡോള്‍, സള്‍ഫോറഫെയ്ൻ, ഗ്ലൂക്കോസിനോലേറ്റുകള്‍ എന്നിവ അടങ്ങിയ ക്രൂസിഫറസ് പച്ചക്കറി ക്യാൻസറിനെ പ്രതിരോധിക്കുമെന്ന് വിശ്വസിക്കപ്പെടുന്ന സസ്യ സംയുക്തങ്ങളാണിവ.
മത്സ്യം…
മത്സ്യം, പ്രത്യേകിച്ച്‌ ട്യൂണ, ഇരുമ്ബ് കൊണ്ട് സമ്ബുഷ്ടമാണ്. കൂടാതെ, തലച്ചോറിന്റെയും ഹൃദയത്തിന്റെയും ആരോഗ്യം പ്രോത്സാഹിപ്പിക്കുകയും രോഗപ്രതിരോധ പ്രവർത്തനത്തെ പിന്തുണയ്ക്കുകയും ചെയ്യുന്ന ഒമേഗ -3 ഫാറ്റി ആസിഡുകളാല്‍ സമ്ബുഷ്ടമാണ്.
മത്തൻക്കുരു…
മത്തങ്ങ, എള്ള്, ഫാള്ക്സ് സീഡ് എന്നിവ ഇരുമ്ബിന്റെ മികച്ച ഉറവിടങ്ങളാണ്. നല്ല അളവില്‍ സസ്യ പ്രോട്ടീൻ, നാരുകള്‍, കാല്‍സ്യം, മഗ്നീഷ്യം, സിങ്ക്, സെലിനിയം, ആന്റിഓക്‌സിഡന്റുകള്‍, മറ്റ് ഗുണം ചെയ്യുന്ന സസ്യ സംയുക്തങ്ങള്‍ എന്നിവയും അവയില്‍ അടങ്ങിയിട്ടുണ്ട്. കൂടാതെ, വിത്തുകള്‍ ഒമേഗ -3, ഒമേഗ -6 ഫാറ്റി ആസിഡുകളുടെ മികച്ച ഉറവിടം കൂടിയാണ്. ഇത് വിളർച്ചയ്‌ക്കെതിരെയും കുറഞ്ഞ ഹീമോഗ്ലോബിൻ നിലയ്‌ക്കെതിരെയും പോരാടുന്നതിനുള്ള മികച്ച ഭക്ഷണങ്ങളാണ്.
