പ്രവാസി മലയാളിയായ മലപ്പുറം സ്വദേശിയെ താമസസ്ഥലത്ത് മരിച്ച നിലയിൽ കണ്ടെത്തി

റിയാദ്: റിയാദിലെ താമസസ്ഥലത്ത് മലപ്പുറം സ്വദേശിയെ മരിച്ച നിലയിൽ കണ്ടെത്തി. അരീക്കോട് ഊർങ്ങാട്ടിരി കല്ലട്ടിക്കൽ സ്വദേശി കച്ചേരിപറമ്പിൽ ഷാജിയെയാണ് മരിച്ച നിലയിൽ കണ്ടെത്തിയത്.

റിയാദ് സുൽത്താനയിലാണ് സംഭവം. മൃതദേഹം റിയാദിൽ ഖബറടക്കും.

നടപടിക്രമങ്ങൾ പൂർത്തീകരിക്കാൻ റിയാദ് കെ.എം.സി.സി മലപ്പുറം ജില്ലാ വെൽഫെയർ വിങ് ചെയർമാൻ റഫീഖ് പുല്ലൂർ, റഫീഖ് ചെറുമുക്ക്, റിയാസ് തിരൂർക്കാട് എന്നിവർ നേതൃത്വം നൽകുന്നു.

അഹ്‌മദ്‌-നഫീസ ദമ്പതികളുടെ മകനാണ്. ജഷീലയാണ് ഭാര്യ. ഷെഹീം, ഷെഹസിൻ, ഇസ്ഹാൻ, ഫാത്തിമ ഹെൻസ, ഇനാറ ഹനിയ എന്നിവർ മക്കളാണ്.