അക്കരപ്പാടം ബാലസുബ്രഹ്മണ്യസ്വാമി ക്ഷേത്രത്തിൽ ഉത്സവത്തിന് കൊടിയേറി: 31 – ന് സമാപനം:

സ്വന്തം ലേഖകൻ
ഉദയനാപുരം: അക്കരപ്പാടം ശ്രീ ഓം കാരേശ്വരം ബാലസുബ്രഹ്മണ്യസ്വാമി ക്ഷേത്ര മഹോത്സവത്തിന് കൊടിയേറി. കൂനംതൈ പുരുഷൻ തന്ത്രി, വൈക്കം ബിനു കരുണാകരൻ തന്ത്രി, ക്ഷേത്ര മേൽശാന്തി അജിത്ത് മഹാദേവൻ എന്നിവരുടെ മുഖ്യ കാർമികത്വത്തിലായിരുന്നു കൊടിയേറ്റ്

29 ന് വൈകുന്നേരം അഞ്ചിന് ഭജൻസ്, 6.45 ന് കാവടി വരവ്. രാത്രി ഒൻപതിന് ഫ്യൂഷൻ കൈകൊട്ടിക്കളി . 30ന് പള്ളിവേട്ട മഹോത്‌സവം. രാവിലെ 11ന് ചാക്യാർ കൂത്ത്, വൈകുന്നേരം 6.45 ന് കർപ്പൂര താലം,

തുടർന്ന് ഫ്യൂഷൻ കോൽകളി. 31 ന് രാവിലെ 8.15 ന് ഗജപൂജ, 11ന് ആനയൂട്ട്. ഉച്ച കഴിഞ്ഞ് മൂന്നിന് പകൽപ്പൂരം . രാത്രി 11ന് ആറാട്ട്, വലിയ കാണിക്ക എന്നിവയോടെ ഉത്സവം സമാപിക്കും. ഉത്സവ പരിപാടികൾക്ക് പ്രസിഡന്റ് ജി.ജയൻ, വൈസ് പ്രസിഡന്റ് പി.സദാശിവൻ, സെക്രട്ടറി എം.ആർ.രതീഷ് തുടങ്ങിയവർ ഭാരവാഹികളായ കമ്മറ്റി നേതൃത്വം നൽകും.