അടൂരിൽ വിദ്യാർത്ഥിയോട് ക്രൂരത ; മുടിവെട്ടിയത് ശരിയായില്ലെന്ന് പറഞ്ഞ് അധ്യാപകർ വിദ്യാർത്ഥിയെ ക്ലാസ്സിന് പുറത്ത് നിർത്തി, സംഭവത്തിൽ പരാതി നൽകി കുട്ടിയുടെ പിതാവ്

പത്തനംതിട്ട : മുടി വെട്ടിയത് ശരിയായില്ല എന്ന് പറഞ്ഞ് അടൂരിൽ അധ്യാപകർ വിദ്യാർത്ഥിയെ ക്ലാസ്സിന് പുറത്ത് നിർത്തി.

അടൂർ ഹോളി എയ്ഞ്ചൽസ് സ്കൂളിൽ ഇന്ന് രാവിലെയാണ് സംഭവം. വേനലവധിക്ക് ശേഷം സ്കൂളിലേക്ക് എത്തിയ കുട്ടിക്കാണ് ദുരനുഭവം ഉണ്ടായത്.

തുടർന്ന് കുട്ടിയുടെ പിതാവിനെ വിളിച്ച് വിവരം പറയുകയും സ്കൂളിലേക്ക് എത്തിയില്ലെങ്കിൽ കുട്ടിയെ ക്ലാസ്സിൽ കയറ്റില്ലെന്ന് പറയുകയുമായിരുന്നു.

സംഭവത്തിൽ മനുഷ്യാവകാശ കമ്മീഷനും സി ഡബ്ലിയു സിക്കും പരാതി നൽകി കുട്ടിയുടെ പിതാവ്.