യുവനടിയെ ​ഹോട്ടല്‍ മുറിയില്‍ മരിച്ച നിലയില്‍ കണ്ടെത്തി; തന്‍റെ മരണത്തില്‍ ആരും ഉത്തരവാദിയല്ലെന്ന് കുറിപ്പ്

സ്വന്തം ലേഖിക

മുംബൈ: യുവനടിയെ ​ഹോട്ടല്‍ മുറിയില്‍ മരിച്ച നിലയില്‍ കണ്ടെത്തി.

നടിയും മോഡലുമായ ആകാന്‍ഷ മോഹനാണ് മരിച്ചത്. മുംബൈ അന്ധേരിയിലെ സീബ്രിഡ്ജ് ഹോട്ടലിലാണ് മൃതദേഹം കണ്ടെത്തിയത്.

മുറിയില്‍ നിന്നും നടി പുറത്ത് വരാത്തതിനെ തുടര്‍ന്ന് ഹോട്ടല്‍ അധികൃതര്‍ വാതില്‍ തുറന്ന് പരിശോധിക്കുകയായിരുന്നു. തന്‍റെ മരണത്തില്‍ ആരും ഉത്തരവാദിയല്ലെന്ന് എഴുതിയ കുറിപ്പ് മുറിയില്‍ നിന്ന് കണ്ടെത്തിയിട്ടുണ്ട്.

പരസ്യചിത്രങ്ങളിലും മറ്റും സജീവമായ മോഡലാണ് ആകാന്‍ഷ. ഈ മാസം പുറത്തിറങ്ങിയ സിയ എന്ന ഹിന്ദി ചിത്രത്തിലും അഭിനയിച്ചിട്ടുണ്ട്. പൊലീസ് കേസെടുത്ത് അന്വേഷണം ആരംഭിച്ചു.