തിരുവനന്തപുരം: വാഹനാപകടകേസില് പ്രതിയായ നടൻ മണിയൻ പിള്ള രാജുവിന് എതിരായ അന്വേഷണത്തിൽ പൊലീസ് വീഴ്ചയില് തിരുവനന്തപുരം ഡിസിപി അന്വേഷണം തുടങ്ങി.
മ്യൂസിയം പൊലീസ് സ്റ്റേഷനിലെ എസ് എച്ച് ഒയുടെ മൊഴിയെടുത്തു. വിശദമായ റിപ്പോര്ട്ട് കിട്ടിയ ശേഷം തുടര്നടപടിയെടുക്കുമെന്ന് സിറ്റി പൊലീസ് കമ്മീഷണര് കെ. കാര്ത്തിക് പറഞ്ഞു. വ്യാഴാഴ്ച രാത്രി 11.30യ്ക്കാണ് ട്രിവാന്ഡ്രം ക്ലബിലെ ഗേറ്റിറങ്ങി മീഡിയന് അപ്പുറം എതിര് ദിശയിലേ റോഡിലേയ്ക്ക് കടക്കവേയാണ് മണിയൻ പിള്ള രാജു ഓടിച്ചിരുന്ന കാറും ബൈക്കുമായി ഇടിച്ചത്. രണ്ടു യുവാക്കള്ക്ക് പരിക്കേറ്റു. അപകടമുണ്ടായെങ്കിലും കാര് നിര്ത്താതെ പോയി.
വ്യാഴാഴ്ച രാത്രി തന്ന രാജുവിനെയും കസ്റ്റഡിയിലെടുക്കാത്തത് മുതല് പൊലീസ് വീഴ്ചയില് വലിയ വിമര്ശനം ഉയര്ന്നു. കാറും കസ്റ്റഡിയിലെടുത്തില്ല. ഇതോടെയാണ്അന്വേഷണത്തിന് ഡിസിപിയെ ചുമതലപ്പെടുത്തിയത്. പൊലീസ് നടപടികളില് വീഴ്ചയുണ്ടായിട്ടില്ലെന്നാണ് എസ്എച്ച്ഒ ഡിസിപിക്ക് നല്കിയ മൊഴി. പുലര്ച്ചെ ഒരു മണിക്കാണ് നടപടി തുടങ്ങിയത്. കാർ കണ്ടെത്താൻ കഴിയാഞ്ഞത് സാങ്കേതിക കാരണങ്ങള് മൂലമാണ്. അപകടം നടന്നെന്ന വിവരം ലഭിച്ചതുമുതല് പൊലിസ് നടത്തിയ നീക്കങ്ങല്ലാം ഡിസിപി പരിശോധിക്കും. സ്പെഷ്യല് ബ്രാഞ്ചും അന്വേഷണം നടത്തുനുണ്ട്.
Whatsapp Group 1 | Whatsapp Group 2 |Telegram Group
തുടക്കം മുതല് രാജുവിനെ രക്ഷിക്കാൻ പൊലീസ് ശ്രമിച്ചെന്നാണ് ആക്ഷേപം. രാത്രിയില് വീട്ടിലെത്തിയ പൊലീസ് രാജു അവിടെയില്ലെന്ന് പറഞ്ഞ് മടങ്ങി. മൊബൈല് ഫോണ് സ്വിച്ച്ഡ് ഓഫെന്ന് പറഞ്ഞു. പൊലീസ് ആസ്ഥാനമുള്പ്പെടെയുള്ള പ്രധാന റോഡിലെ സിസിടിവി പരിശോധിച്ച് രാത്രി തന്നെ കാര് കസ്റ്റഡിയില് എടുത്തില്ല. രാജുവിനെ കസ്റ്റഡിയില് എടുക്കാൻ വൈകിയതു മൂലം വൈദ്യ പരിശോധന സമയത്ത് നടന്നില്ല. ഇന്നലെയും രാജു പറഞ്ഞ സമയത്ത് സ്റ്റേഷനില് ഹാജരാകാൻ അനുവദിച്ചു. പരിശോധനയ്ക്ക് രക്ത സാമ്പിള് കെമിക്കല് ലാബിലേയ്ക്ക് അയച്ചത് അപകടം നടന്ന് മണിക്കൂറുകള് കഴിഞ്ഞ ശേഷം മാത്രമാണ്. ഇനി കൃത്യമായ പരിശോധന ഫലം കിട്ടാനുള്ള സാധ്യത പൊലീസ് ഇല്ലാതാക്കിയെന്നത് ഉള്പ്പെടെയുള്ള വിമര്ശനങ്ങളാണ് ഉയരുന്നത്.
