അഞ്ച് സംസ്ഥാനങ്ങളിലെ ഹൈക്കോടതികളിൽ ആക്ടിംഗ് ചീഫ് ജസ്റ്റിസുമാരെ നിയമിച്ചു; കേരളത്തിൽ ജസ്റ്റിസ് സി കെ അബ്ദുൽ റഹീം

സ്വന്തം ലേഖിക

ദില്ലി: അഞ്ച് സംസ്ഥാനങ്ങളിലെ ഹൈക്കോടതികളിൽ ആക്ടിംഗ് ചീഫ് ജസ്റ്റിസുമാരെ നിയമിച്ചു. കേരള, മദ്രാസ്, രാജസ്ഥാൻ, പഞ്ചാബ് & ഹരിയാന, ഹിമാചൽ പ്രദേശ് ഹൈക്കോടതികളിലാണ് ആക്ടിംഗ് ചീഫ് ജസ്റ്റിസുമാരെ നിയമിച്ചുകൊണ്ട് കേന്ദ്ര സർക്കാർ ഉത്തരവിറക്കിയത്.

മദ്രാസ് ഹൈക്കോടതി ആക്ടിംഗ് ചീഫ് ജസ്റ്റിസായി ജസ്റ്റിസ് വിനീത് കോത്താരിയെയാണ് നിയമിച്ചത്. സ്ഥലംമാറ്റത്തിൽ പ്രതിഷേധിച്ച് മദ്രാസ് ഹൈക്കോടതി ചീഫ് ജസ്റ്റിസ് വി കെ താഹിൽരമാനി നൽകിയ രാജി രാഷ്ട്രപതി സ്വീകരിച്ചതോടെയാണ് ആക്ടിംഗ് ചീഫ് ജസ്റ്റിസായി വിനീത് കോത്താരിയുടെ നിയമനം.

കേരള, രാജസ്ഥാൻ, പഞ്ചാബ്, ഹരിയാന, ഹിമാചൽപ്രദേശ് ഹൈക്കോടതികളിലെ ചീഫ് ജസ്റ്റിസുമാർ സുപ്രീംകോടതി ചീഫ് ജസ്റ്റിസുമാരായി നിയമിതരായതിനെ തുടർന്നുണ്ടായ ഒഴിവിലാണ് ഇവിടങ്ങളിലെ ആക്ടിംഗ് ചീഫ് ജസ്റ്റിസുമാരുടെ നിയമനം. ജസ്റ്റിസ് സി കെ അബ്ദുൽ റഹീമാണ് കേരളാ ഹൈക്കോടതി ആക്ടിംഗ് ചീഫ് ജസ്റ്റിസ്. കേരള ഹൈക്കോടതിയിലെ ഏറ്റവും സീനിയർ ജഡ്ജിയാണ് സി കെ അബ്ദുൾ റഹീം.

ആക്ടിംഗ് ചീഫ് ജസ്റ്റിസുമാർ

കേരള ഹൈക്കോടതി – സി കെ അബ്ദുൾ റഹീം

രാജസ്ഥാൻ ഹൈക്കോടതി -ജസ്റ്റിസ് എം റഫീഖ്

ഹിമാചൽ പ്രദേശ് ഹൈക്കോടതി – ജസ്റ്റിസ് ഡി സി ചൗധരി

പഞ്ചാബ് , ഹരിയാന ഹൈക്കോടതി – ജസ്റ്റിസ് രാജീവ് ശർമ്മ

മദ്രാസ് ഹൈക്കോടതി – ജസ്റ്റിസ് വിനീത് കോത്താരി