കുതിരപ്പുറത്തുനിന്നു വീണ് പരിക്കേറ്റ് ചികിത്സയിലായിരുന്ന യുവാവ് മരിച്ചു; കുതിരയോട്ട മത്സരത്തിന് മുന്നോടിയായുള്ള പരിശീലനത്തിനിടെയാണ് അപകടം

സ്വന്തം ലേഖകൻ

പാലക്കാട്: കുതിരപ്പുറത്തുനിന്ന് വീണ് പരിക്കേറ്റ യുവാവിന് ദാരുണാന്ത്യം. തത്തമംഗലം സ്വദേശി അബ്ദുല്ല (23) ആണ് മരിച്ചത്.

തത്തമംഗലം അങ്ങാടി വേലയുടെ ഭാഗമായി നടക്കുന്ന കുതിരയോട്ട മത്സരത്തിന് മുന്നോടിയായുള്ള പരിശീലനത്തിനിടെയാണ് അപകടം നടന്നത്. ഇന്നലെ രാത്രിയിലാണ് സംഭവം.

കുതിര പുറത്തു നിന്ന് വീണയുടനെ അബ്ദുല്ലയെ തൃശൂരിലെ സ്വകാര്യ ആശുപത്രിയിൽ എത്തിച്ചിരുന്നു. ചികിത്സയിലിരിക്കെയാണ് മരണം.