ആനയുമായി പോയ ലോറിയെ മറികടക്കുന്നതിനിടെ കെഎസ്ആര്‍ടിസി ബസ് ടൂറിസ്റ്റ് ബസിൽ ഇടിച്ച് അപകടം; നിയന്ത്രണം വിട്ട കെഎസ്ആര്‍ടിസി ബസ് സമീപമുള്ള തോട്ടിലേക്ക് ചരിഞ്ഞ് അഞ്ചുപേര്‍ക്ക് പരിക്ക്

കൊട്ടാരക്കര: എം.സി റോഡില്‍ വാളകം പൊലിക്കോട് ജംഗ്ഷനില്‍ ബസ്സുകള്‍ കൂട്ടിയിടിച്ചു. നിയന്ത്രണം വിട്ട കെഎസ്ആര്‍ടിസി ബസ് സമീപമുള്ള തോട്ടിലേക്ക് ചരിഞ്ഞു.

തിരുവനന്തപുരത്തേക്ക് പോയ കെഎസ്ആര്‍ടിസി ഗരുഡ സര്‍വീസും എതിരെ കോളേജ് വിദ്യാര്‍ഥികളുമായെത്തിയ ടൂറിസ്റ്റ് ബസുമാണ് കൂട്ടിയിടിച്ചത്.

കെഎസ്ആര്‍ടിസി ബസ് യാത്രക്കാരായ അഞ്ചുപേര്‍ക്ക് പരിക്കുപറ്റി. ശനിയാഴ്ച രാവിലെ ആറോടെ ആയിരുന്നു അപകടം.

ആനയുമായി പോയ ലോറിയെ മറികടക്കുന്നതിനിടെ കെഎസ്ആര്‍ടിസി വോള്‍വോ ബസ് കോട്ടയത്തേക്ക് പോയ ടൂറിസ്റ്റ് ബസില്‍ ഇടിക്കുകയും നിയന്ത്രണം വിട്ട് ഇടതുവശത്തെ തോട്ടിലേക്ക് മറിയുകയായിരുന്നു.

32 വർഷമായി സൗദിയിൽ ജോലി ചെയ്തിരുന്ന പ്രവാസി ജൂലൈയിൽ നാട്ടിലേക്ക് തൊഴിലവസാനിപ്പിച്ച് മടങ്ങാനിരിക്കെ ട്രക്ക് ഇടിച്ച് മരിച്ചു

സ്വന്തം ലേഖകൻ

കോട്ടയം: പേരൂർ സ്വദേശി ആനിക്കാമറ്റത്തിൽ ബേബി കുര്യൻ വർഗീസ് (65) ആണ് മരിച്ചത്. ഇദ്ദേഹം ഓടിച്ചിരുന്ന ട്രക്കിൽ മറ്റൊരു ട്രക്ക് ഇടിച്ചു കയറിയാണ് അപകടം. സൗദി സമയം പുലർച്ചെ 3 മണിയോടെയായിരുന്നു സംഭവം. ഇടിച്ച ട്രക്കിന്റെ ഡ്രൈവർ ഉറങ്ങി പോയതാണ് അപകട കാരണമെന്നാണ് ബന്ധുക്കൾക്ക് അറിവ്.പാകിസ്ഥാൻ സ്വദേശിയായ ഇയാളെ സൗദി പോലീസ് അറസ്റ്റു ചെയ്തു.മരിച്ച ബേബിയുടെ മൃതദേഹം നാട്ടിലെത്തിക്കാനുള്ള ശ്രമങ്ങൾ ബന്ധുക്കൾ സൗദിയിലെ ഇന്ത്യൻ എംബസിയുമായി ബന്ധപ്പെട്ട് നടത്തി.സംസ്ക്കാരം പിന്നീട് പേരൂർ മർത്തശ്ശ്സ്മൂനി പള്ളിയിൽ നടക്കും.
ഭാര്യ ഗ്രേസ് കുര്യൻ.മക്കൾ ആൻ സൂസൻ കുര്യൻ, അൻസു അന്ന കുര്യൻ.