ആം ആദ്മി പാർട്ടി കോട്ടയം മണ്ഡലം കൺവൻഷനും അംഗത്വ വിതരണവും നടന്നു

സ്വന്തം ലേഖകൻ

കോട്ടയം: ആം ആദ്മി പാർട്ടി കോട്ടയം നിയോജകമണ്ഡലം കൺവെൻഷനും അംഗത്വ വിതരണവും നടന്നു. കോട്ടയം ഐ എം എ ഹാളിൽ നടന്ന യോഗം പാർട്ടി സംസ്ഥാന കൺവീനർ പി.സി സിറിയക് ഐ എ എസ് ഉദ്ഘാടനം ചെയ്തു.

മാറിയ രാഷ്ട്രീയ സാമൂഹിക സാഹചര്യങ്ങളിൽ ആം ആദ്മി പാർട്ടി കേരളത്തിൽ അതിവേഗം ശക്തിയാർജ്ജിക്കുന്നതായി പി സി സിറിയക് പ്രസ്താവിച്ചു. കോട്ടയം നിയോജക മണ്ഡലം കൺവീനർ അഡ്വക്കറ്റ് സന്തോഷ് കണ്ടംചിറ അധ്യക്ഷത വഹിച്ചു.

കേന്ദ്ര നിരീക്ഷകൻ അജയ്രാജ് മുഖ്യപ്രഭാഷണം നടത്തി. ജോസ് കീച്ചേരി, ബിനോയി പുല്ലത്തിൽ, സിബി ജോസഫ്, ബാബു കുരുവിള, പ്രിൻസ് ജോർജ്ജ്, ജോയി തോമസ് ആനിത്തോട്ടം, ജോർജ്ജ് ജോസഫ് പകലോമറ്റം എന്നിവർ സംസാരിച്ചു.