കോട്ടയം: കോട്ടയം നഗരത്തിലെ ഹോട്ടലുകളിൽ നഗരസഭാ ഹെൽത്ത് വിഭാഗം നടത്തിയ റെയ്ഡിൽ പഴകിയ ഭക്ഷണസാധനങ്ങൾ പിടികൂടി.
22 സ്ഥാപനങ്ങളിൽ പരിശോധന നടത്തി. കഞ്ഞിക്കുഴിയിലെ പ്രിൻസ് ബാർ ഹോട്ടൽ, നാട്ടകത്തെ കരിമ്പിൻ ടേസ്റ്റി ലാൻഡ് ഷാപ്പ് അടക്കമുള്ള സ്ഥാപനങ്ങളിൽ നിന്ന് പഴകിയ ഭക്ഷണം പിടിച്ചെടുത്തു
വൃത്തിഹീനമായ രീതിയിൽ പ്രവർത്തിക്കുന്ന ഹോട്ടലുകൾക്ക് നഗരസഭ ആരോഗ്യ വിഭാഗം നോട്ടീസ് നൽകി.
Whatsapp Group 1 | Whatsapp Group 2 |Telegram Group
നാലിടത്തു നിന്ന് നിരോധിത പ്ലാസ്റ്റിക് പിടികൂടി. ഇവർക്ക് പിഴയടയ്ക്കാൻ നോട്ടീസ് നൽകി. നഗരസഭാ ചെയർമാൻ എം .പി. സന്തോഷ് കുമാർ ,
ആരോഗ്യ സ്റ്റാന്റിംഗ് കമ്മറ്റി ചെയർപേഴ്സൺ സാലി മാത്യു എന്നിവരുടെ നിർദ്ദേശപ്രകാരമായിരുന്നു റെയ്ഡ്. വരും ദിവസങ്ങളിലും റെയ്ഡ് തുടരും .
നഗരസഭ ക്ലീൻസിറ്റി മാനേജർ ടി.എ. തങ്കം , സീനിയർ ഹെൽത്ത് ഇൻസ്പെക്ടർമാരായ പ്രമോദ്, പ്രവീൺ, ജൂനിയർ ഹെൽത്ത് ഇൻസ്പെക്ടർ സുർജിത് കെ.സോമൻ, രഘു , കിരൺ , ലിനീഷ് രാജ്, വിഷ്ണു, ഹിമ ജോസ്, രമ്യ രവീന്ദ്രൻ , വിസ്മയ ഡോണറ്റ്, എന്നിവർ നേതൃത്വം നൽകി.
