സിദ്ധരാമയ്യയുടെ രാജി ഗവര്ണര് തവര് ചന്ത് ഗഹലോട്ട് അംഗീകരിച്ചു. ഇന്നലെ രാത്രിയോടെയാണ് ഗവര്ണര് സംസ്ഥാനത്തേക്ക് മടങ്ങിയെത്തിയത്. പുതിയ മുഖ്യമന്ത്രിയുടെ സത്യപ്രതിജ്ഞ ഉടന് ഉണ്ടാകും. കോണ്ഗ്രസ് പാര്ലമെന്ററി പാര്ട്ടിയോഗം ഇന്നുണ്ടായേക്കില്ല. ഡല്ഹിയിലുള്ള സിദ്ധരാമയ്യയും ഡികെയും തിരിച്ചെത്തിയ ശേഷമാകും യോഗം. നാളെ യോഗം ചേരാന് ആയാല് തിങ്കളാഴ്ച സത്യപ്രതിജ്ഞ ഉണ്ടാകും. മുഖ്യമന്ത്രിയും ഉപമുഖ്യമന്ത്രിമാരും മാത്രമാകും സത്യപ്രതിജ്ഞ ചെയ്യുക. മന്ത്രിസഭാ പുനഃസംഘടന രാജ്യസഭാ തിരഞ്ഞെടുപ്പിന് ശേഷമെന്നാണ് റിപ്പോര്ട്ട്.
ഇന്ന് രാഹുല് ഗാന്ധിയുമായും കോണ്ഗ്രസ് അധ്യക്ഷന് മല്ലികാര്ജുന് ഖര്ഗെയുമായും സിദ്ധരാമയ്യ കൂടിക്കാഴ്ച നടത്തും. മന്ത്രി കെ ജെ ജോര്ജ് അടക്കമുള്ളവര് സിദ്ധരാമയ്യയുടെ ഒപ്പമുണ്ട്. രാജ്യസഭാ സീറ്റ് ഏറ്റെടുക്കണമെന്ന ആവശ്യം സിദ്ധരാമയ്യ ഇന്നലെ നിരസിച്ചിരുന്നു. സംസ്ഥാനത്തു തന്നെ തുടരണമെന്നും മന്ത്രിസഭയില് മകനെ ഉള്പ്പെടുത്തണമെന്നും ആണ് സിദ്ധരാമയ്യ മുന്പോട്ട് വച്ചിരിക്കുന്ന ഉപാധി. രാജിയില് സിദ്ധരാമയ്യയുടെ ആശങ്കകള് ഇന്ന് ഹൈക്കമാന്റ് ചര്ച്ച ചെയ്യും. മൂന്നുതവണയില് കൂടുതല് എംഎല്എമാരായവരെ മന്ത്രിസ്ഥാനത്തേക്ക് പരിഗണിക്കണമെന്ന് മുതിര്ന്ന എംഎല്എമാര് ആവശ്യപ്പെട്ടിരുന്നു.
