കേരളത്തിൽ ഇന്ന് യുഡിഎഫ് സർക്കാർ സത്യപ്രതിജ്ഞ ചെയ്ത് അധികാരത്തിലേറുമ്പോൾ മന്ത്രിസ്ഥാനത്തിൽ പ്രതികരണവുമായി നിയുക്ത പുതുപ്പള്ളി എംഎല്എ ചാണ്ടി ഉമ്മന്. മന്ത്രിസ്ഥാനം താന് പ്രതീക്ഷിച്ചിരുന്നില്ലെന്ന് ചാണ്ടി ഉമ്മന് വ്യക്തമാക്കി. എല്ലാം മാധ്യമ സൃഷ്ടികള് ആയിരുന്നുവെന്ന് ചാണ്ടി ഉമ്മന് പറഞ്ഞു. മന്ത്രിസ്ഥാനത്തേക്ക് തനിക്ക് പ്രതീക്ഷ ഉണ്ടായിരുന്നില്ലെന്നും മാധ്യമങ്ങളാണ് അത്തരത്തില് ഒരു തോന്നല് ജനങ്ങള്ക്ക് നല്കിയതെന്നും ചാണ്ടി ഉമ്മന് കൂട്ടിച്ചേര്ത്തു. ‘ആരെ എടുക്കണം എടുക്കേണ്ട എന്നുള്ളത് പാര്ട്ടിയുടെ നിലപാടാണ്. അത് പൂര്ണ്ണമനസ്സോടെ സ്വീകരിക്കുന്നു. ഞാന് പറയാത്ത കാര്യങ്ങള് മാധ്യമങ്ങള് പറഞ്ഞു. നിയമസഭാ തിരഞ്ഞെടുപ്പ് കഴിഞ്ഞപ്പോള് മുതല് ഈ പ്രവണത മാധ്യമങ്ങള് കാണിക്കുന്നു. പാര്ട്ടി ഒരു തീരുമാനമെടുത്താല് എനിക്ക് അത് സ്വീകാര്യമാണ്’ എന്നും ചാണ്ടി ഉമ്മന് പറഞ്ഞു.
15 വര്ഷം മുന്പ് ഇതേ ദിവസമാണ് തന്റെ പിതാവ് മുഖ്യമന്ത്രിയായി സത്യപ്രതിജ്ഞ ചെയ്തതെന്ന് ചാണ്ടി ഉമ്മന് കൂട്ടിച്ചേര്ത്തു. എല്ലാവര്ക്കും എല്ലാ ആശംസകളും നേരുന്നുവെന്നും അദ്ദേഹം പറഞ്ഞു. മുതിര്ന്ന കോണ്ഗ്രസ് നേതാവ് എ കെ ആന്റണിയുമായുള്ള കൂടിക്കാഴ്ചയെക്കുറിച്ചും ചാണ്ടി ഉമ്മന് പ്രതികരിച്ചു. എകെ ആന്റണിയുമായുള്ളത് കുടുംബ ബന്ധമാണെന്നും പാര്ട്ടിപരമായ കാര്യങ്ങള്ക്കപ്പുറമുള്ള കാര്യങ്ങള് ചര്ച്ച ചെയ്യാനാണ് എകെ ആന്റണിയെ കണ്ടതെന്നും ചാണ്ടി ഉമ്മന് പറഞ്ഞു.
ചാണ്ടി ഉമ്മന് മന്ത്രിസഭയിലുണ്ടാകുമെന്ന വാര്ത്തകള് ആദ്യം പുറത്ത് വന്നിരുന്നു. എന്നാല് ഈ വാര്ത്തകള് ചാണ്ടി ഉമ്മന് സ്ഥിരീകരിച്ചിരുന്നില്ല. അതേസമയം വി ഡി സതീശന് മുഖ്യമന്ത്രിയായും മറ്റ് 20മന്ത്രിമാരും ഇന്ന് സത്യപ്രതിജ്ഞ ചെയ്യും.
Whatsapp Group 1 | Whatsapp Group 2 |Telegram Group
