ഇടുക്കി: ഇടുക്കി പൂപ്പാറയില് പന്നിയാർ പുഴ കയ്യേറി നിർമ്മിച്ച ചില കെട്ടിടങ്ങള് ഉടമകള് പൊളിച്ചു തുടങ്ങി.
88 കെട്ടിടങ്ങളാണ് പൊളിച്ചു നീക്കേണ്ടത്.
ഇതില് 56 കെട്ടിടങ്ങള് ഉടമകള് പൊളിച്ചുനീക്കും. ബാക്കിയുള്ളവ റവന്യു വകുപ്പ് പൊളിച്ചു നീക്കും.
സംഘർഷ സാധ്യത കണക്കിലെടുത്ത് സ്ഥലത്ത് പൊലീസ് സന്നാഹം ഏർപ്പെടുത്തിയിട്ടുണ്ട്. സുപ്രീംകോടതിയുടെയും ഹൈക്കോടതി ഉത്തരവിനെയും തുടർന്നാണ് നടപടി.
Whatsapp Group 1 | Whatsapp Group 2 |Telegram Group
2024ല് മൂന്ന് ആരാധനാലയങ്ങള് ഉള്പ്പെടെ 56 കെട്ടിടങ്ങള് സർക്കാർ ഏറ്റെടുത്തിരുന്നു. ഇതിനെതിരെ ഉടമകള് സുപ്രീംകോടതിയില് നല്കിയ ഹർജിയും തള്ളിയിരുന്നു.
ഏറ്റെടുത്ത കെട്ടിടങ്ങളില് കഴിഞ്ഞിരുന്ന 29 കുടുംബങ്ങളോട് കഴിഞ്ഞ ഫെബ്രുവരിയില് ഒഴിയണമെന്നാവശ്യപ്പെട്ട് പഞ്ചായത്ത് നോട്ടീസ് നല്കിയതാണ്. ഇത് അവഗണിച്ചതിനെ തുടർന്ന് 24 മണിക്കൂറില് ഒഴിയണമെന്ന് കാണിച്ച് കഴിഞ്ഞദിവസം വീണ്ടും നോട്ടീസ് നല്കി.
ഇതും അവഗണിച്ചതോടെയാണ് കെട്ടിടങ്ങള് പൊളിച്ചു നീക്കാനുള്ള നടപടി ജില്ലാ ഭരണകൂടം സ്വീകരിച്ചത്.
