കാഞ്ഞിരപ്പള്ളി: വി.ഡി. സതീശനായി കാഞ്ഞിരപ്പള്ളിയിലും ഫ്ലക്സ് ബോർഡ് ഉയർന്നു. പ്രതിപക്ഷ നേതാവ് വി.ഡി. സതീശനെ പടനായകൻ എന്ന് വിശേഷിപ്പിച്ചാണ് ബോർഡ് സ്ഥാപിച്ചിരിക്കുന്നത്.
പടക്കളത്തിൽ പട പൊരുതിയ പടനായകൻ വി.ഡി സതീശൻ മതേതര കേരളത്തെ നയിക്കട്ടെ എന്നാണ് ബോർഡിലുള്ളത്. കാഞ്ഞിരപ്പള്ളി പേട്ടക്കവലയിലാണ് ബോർഡ് പ്രത്യക്ഷപ്പെട്ടത്.
ആരാണ് ബോർഡ് സ്ഥാപിച്ചതെന്ന് വ്യക്തമല്ലെങ്കിലും ജയ് കോൺഗ്രസ് എന്ന് ഫ്ലക്സിന്റെ അവസാന ഭാഗത്ത് കുറിച്ചിട്ടുണ്ട്. പ്രാദേശിക കോൺഗ്രസ് നേതാക്കൾ തന്നെയാണ് ബോർഡിന്റെ പിന്നിലുള്ളതെന്നാണ് സൂചന.
Whatsapp Group 1 | Whatsapp Group 2 |Telegram Group
യുഡിഎഫിന് അനുകൂലമായ തെരഞ്ഞെടുപ്പ് പ്രവചനങ്ങൾ പുറത്ത് വന്നതോടെ സംസ്ഥാനത്തിന്റെ വിവിധയിടങ്ങളിൽ വി.ഡി. സതീശനെ പിന്തുണച്ച് ഫ്ലക്സ് ബോർഡുകൾ ഉയർന്നിരുന്നു. ഇതിന് ചുവടുപിടിച്ചാണ് കാഞ്ഞിരപ്പള്ളിയിലും ഫ്ലക്സ് ബോർഡ് ഉയർന്നത്.
